Etlang go nna – Letšatši la 2

Ge ke bala Bibele kudu le go ithuta lentšu la Modimo, ke humane gore Morena o bitša batho ka mehla le go ba laletša go tla go yena, go sa šetšwe boikaketši bja rena le go se botege! Go dilo ka moka tše botse tše Modimo e lego yena, o a kwešiša.

Karolo ya pele ya Jesaya 1 e kwagala bjalo ka agente e hlaloša molato wa yona e kgopela go rarolla molato ka ntle ga kgorotsheko. Ye ga se pitšo ya go sekišwa goba pitšo ya kahlolo. Ke pitšo go Israele go bula dipelo tša bona gomme ba theeletše. Modimo o bitša kopano le Israele, e se go ba hwetša molato, eupša ya go tliša tebalelo. Ga a kgopele tefo goba kotlo ya tša nakong e fetilego, o ba kgopela fela go theeletša.

Modimo o duma go boledišana le batho ba gagwe. Go feta moo, Modimo o duma go tsošološa batho ba gagwe le go ba nea tše kaonekaone. Ga a laela fela Israele goba go ba laela gore ba mo theeletše; o ba nea monyetla wa go dira sephetho. Lehono, le wena o go nea monyetla o swanago wa go dira sephetho.