Dithuto tša bophelo go tšwa Bibeleng – letšatši la 6

Toka ga e hwetšwe bonolo. Ke sebe sa motho o tee fela seo se ka tlišago masetlapelo go setšhaba gomme sa baka bohloko le tlhophego. Monna o bjalo e be e le Akane.
Akane o be a le magareng ga batho ba Joshua ge ba fenya Jeriko. Ba boditšwe gore se sengwe le se sengwe ka motseng se be se swanetše go gafelwa Morena. Joshua a ba laela gore ba se tšee selo. Go dira bjalo go be go tla tliša pefelo ya kahlolo ya Modimo bobedi go Israele le go bona. “Eupša se sengwe le se sengwe se se dirilwego ka silibera, goba gauta, goba mphiri, goba tshipi se hlaoletšwe Morena. Se swanetše go bewa ka polokelong ya Morena” (Joshua 6:19). Akane a se obamele Modimo gomme a utswa tše dingwe tša dithebola gomme ka lebaka leo, bogale bja Modimo bja tuka kgahlanong le Israele (Joshua 7:1). Ntweng ya bona ya go latela kgahlanong le Ai, banna ba Joshua ba ile ba fenywa gomme ba 36 ba bolawa.

Joshua le baetapele ba gagwe ba kgopela Modimo go utolla gore ke ka lebaka la eng Israele e fentšwe. Modimo a ba botša ka bogale a re, “Baisraele ba dirile sebe! Ba lahlile kgwerano yela ba e dirilego le nna ye ke ba laetšego gore ba e botegele. Ba tšere tše dingwe tša dilo tšela di ilego tša gafelwa go fedišwa. Ba di utswitše, gomme ba ipolokela tšona ka sephiring le dilo tša bona” (Joshua 7:11).

Joshua, le baetapele, ba kgobokanya dikgoro tše 12. Kgoro ya Juda ya tanywa. Joshua a hlaba lapa le lengwe le le lengwe ka dipotšišo gomme Akane a ipolela molato wa gagwe.
Banna ba Joshua ba ntšha dilo tše di bego di utswitšwe tšeo Akane a bego a di epetše tenteng ya gagwe. Ba di ntšha ka mošašeng, ba di iša go Joshua le go Baisraele ka moka, gomme ba di phatlalatša pele ga Morena (Joshua 7:23).

Ba tšea Akane le se sengwe le se sengwe seo e bego e le sa gagwe, gammogo le thoto ye e bego e utswitšwe, ba mo iša Moeding wa Matshwenyego. Ba mo kgatla Akane ka maswika le go mo tšhuma, ba lapa la gagwe le diruiwa tša gagwe, pele ba ba boloka le dithebola tše di utswitšwego ka tlase ga mokgobo o mogolo wa maswika. Ka gona Morena a se sa tuka bogale.

Pheletšo ya Akane ke segopotšo se se holago sa gore Modimo wa rena ke Modimo wa toka. Go swana le Joshua le baetapele ba gagwe, le rena re swanetše go tšea kgato kgahlanong le bobe setšhabeng sa gaborena. Bjalo ka ge Edmund Burke (1729-1779) a boletše, “Tšeo ka moka di lego bohlokwa go ka fenya bobe ke gore batho ba go loka ga ba dire selo.”