Dithuto tša bophelo go tšwa Bibeleng – letšatši la 4

Modimo o šoma ka go lebanya le ka go se lebanye ka batho, maemong ka moka a setšhaba. Maabane re bone ka fao sepheto ka Mohumagadi Bashti se bilego le tutuetšo e botse go pheletšo ya batho ba Bajuda. Lehono re lebelela tema ye e kgathago ke Rode kerekeng ya Bokriste ye e sa hlabologago.

Rode e be e le lekgoba la ngwanenyana a hlankela Maria, mmago Johane Markose. Kereke ya pele e be e kopanela ntlong ya Maria kua Jerusalema ditirelong tša go rapela.

Kereke e be e itemogela lephoto la tlhomaro. Jakobose, buti wa Johanese, o ile a bolawa ke Heroda Agripa, setlogolo sa Heroda o Mogolo. A bona ka fao seo se dirilego gore e be yo a tumilego gare ga Bajuda, o ile a tšea sephetho sa go sekiša Petrose. O ile a lahlela Petrose kgolegong gomme a mo gafela mašole a 16 gore a mo lete. Dihlopha tše nne tša mašole, ba bane ba bane, ka go šiedišana diiri tše dingwe le tše dingwe tše tshela. Ba babedi ka gare ga sele le yena le ba babedi ka ntle ga mojako wa sele.

Bošego, morongwa wa Morena ka mohlolo a hlakodiša Petrose gomme a mo ntšhetša ntle ga kgolego. Ge a fihla mokgotheng, o ile a ya ntlong ya Maria.

Ka gare ga ntlo, barapedi ba bantši ba be ba rapela le barutiwa ka go phela gabotse mmeleng ga Petrose. Gateetee, motho o ile a kokota lemating.

Rode a ya lemating. Ka go makala le lethabo, a tseba lentšu la Petrose. A gomela morago go tsebiša ba bangwe. Ga sanke ba mo kgolwe. “O a gafa, wena!,” ba realo, “gona ke morongwa wa gagwe!” Yena a phegelela gore ke Petrose. Petrose a tšwela pela a kokota. Ba bula lemati gomme ba lemoga gore Rode o be a nepile (Ditiro 12:13-16).

Rode o be a sa hloke go bona Petrose go ka mo tseba. O kwele lentšu la gagwe gomme a dumela gore ke yena. Ge Morena yo a tsogilego bahung a bolela le rena, re swanetše go iphetolela ka tsela e swanago. Jesu a botša Thomase, “Go lehlogonolo ba ba dumelago ba se ba mpona” (Johanese 20:29)

Ge o e se wa dira bjalo, nako ya gore o ikhweletše tšhegofatšo yeo ke bjale.