Dithuto tša bophelo go tšwa Bibeleng – letšatši la 2

Seporofeto sa Simeone, mabapi le ngwana Jesu, se galagetše historing ka moka ya batho gomme ga sanke se kgonthišišwe ka mo go hlakilego le go feta go e na le ditiro tša mahodu a mabedi ao a bapotšwego kgauswi le yena.

Re tseba go le go nnyane ka bophelo bjo mahodi a bego a bo phela. Ga re tsebe gore e be e le dikebeka. Go ya ka molao wa Roma, batho ba ba hwetšwago molato ka bosenyi bjo bo šiišago ba be ba bolawa, ka mantšu a mangwe, ba tlotšwa go ya go ile setšhabeng ka tshenyo ye ba e dirilego.

Tshepetšo ya toka e be e se ye e phethagetšego. Ge mohlankedi wa Roma yo a nago le maatla a go ahlola molato, a be a ahlola sepitša goba go ineela go dikgateletšo tša ka ntle, bagolelwa bao ba se nago molato ba be ba tla ahlolwa le go bolawa.

Go tšwa go poledišano magareng ga mahodu, go molaleng gore, go se swane le Jesu, ba sekišitšwe gabotse gomme ba ahlolelwa lehu ka mabosenyi ao ba a dirilego. Boitshwaro bja mahodu, ge ba bitša Jesu bohlokong bja bona, bo be bo sa swane.

Yo mongwe o roga Jesu. “Naa ga o Kriste? Itlhakodiše le rena o re hlakodiše” (Lukase 23:39). Yo mongwe o a mo kgala, “Monna yo ga gona phošo ye a e dirilego.” Gomme a re, “Jesu, o nkgopole mohla o thoma go buša.” Gomme Jesu, ka bohloko bjo bogolo kudu bja dibe tša lefase ka moka magatleng a gagwe, a mo araba ka kholofetšo, “Ruri, ke go botša gore lehono o tla ba le nna paradeising ” (Lukase 23:43).

O ka se kgomarele boema-gare ge go e tla go Jesu. Ge o se wa gagwe, o kgahlanong le yena. Kanegelo ya mahodu sefapanong, e utolla mogau o mogolo wa Modimo. Le ge re ka retologela fela go yena nakong ya ge re hlokafala, o tla araba kgopelo ya rena.
Bothata ke gore, ga re tsebe gore re yo hlokafala neng. Yo mongwe wa rena a ka hlokafala le semeetsing ka tlase ga maemo a nyamišago. Re ka robala gomme ra se sa tsoga. Nako ya go retologela go Jesu le go hwetša kholofetšo ya Modimo, ke bjale. “Mang le mang yo a kgopelago Morena thušo o tla phološwa” (Baroma 10:13).