Dikholofetšo tše botse tša Modimo – Letšatši la 20

Ga gona se se re tshwenyago go feta ge re tseba gore tšhireletšo ya rena go ba ya bosetšhaba e kotsing. Seo batho ba bantši ba se nyakago ke go kgona go phela ka boiketlo le ka khutšo le ba bangwe.

Boemo bja rena bja boditšhabatšhaba ka mehla ga bo fihlelelege. Dintwa, mathata a ekonomi le ditiro tša botšhošetši di tlišitše tša go se amogelege mojakong wa rena. Mo gaborena, komelelo, go se šome, dodiidi, bosenyi, bomenetša ke dilo tša kgonthe tše di diregago. Dikgateletšo tše re nago le tšona di ka tlaiša go phela ga rena gabotse mmeleng le khušo ya monagano.

Nnete ya go kweša bohloko ke gore lefase le boemong bo bo tšwelago pele bja khuduego e sa le go tloga ge Adamo le Efa ba dira sebe kgahlanong le Modimo gomme ba rakwa Serapeng sa Edene (Genese 3:23). Ge sebe se etla lefaseng, go bile le karogano magareng ga Modimo le motho. Karogano ye fela lerato la Modimo go Jesu Kriste e kago e tswalela.

Gomme gwa tla Jesu go tlo rera lefaseng. A bula mahlo a difofu, a hlokomela digole, a fodiša ba malwetši a letlalo, a kgontšha difoa go kwa le go tsoša bahu (Mateu 11:4-5). Kholofetšo ya gagwe ya khutšo go bao ba lego manyaming ke taletšo go bohle bao ba lapilego le go imelwa.

Bajuda go letšatši la Jesu ba gapeleditšwe go rwala joko ya Jesu. E be e le joko e boima ye e fiwago ke bogale bja pušo ya Roma. Tayo ye bogale gammogo le metšhelo ye boima e ka roba moya wa motho le go gapeletša setšhaba go obamela. Bajuda ba be ba hloile seo.

Ka mo go fapenego, Jesu ga a gapeletše joko ya gagwe go motho – go e na le moo o mema batho bao ba hlophegago go amogela joko ya gagwe, a ba holofetša gore morwalo wa bona o bofefo le go ba bonolo go ka o rwala. Lega go le bjalo, bjalo ka dikholofetšo ka moka tša Bibele, e tla le taelo: “Le ithweše joko ya ka, le rutwe ke nna.”

Go ithuta le go obamela dithutišo tša gagwe go nyaka tayo le kgotlelelo, eupša go netefatša khutšo ya meoya ya rena.