Dikenywa tša Moya – Letšatši la 6

Jesu a mo fetola a re: “Motho yo mongwe o kile a re a etšwa Jerusalema a eya Jeriko a kopana le bahlakodi; ba mo hlobodiša, ba mo keketa, ba sepela, ba mo tlogela a le makgatheng. Moprista yo mongwe a tšhoga a tšere ka tsela yeo. Ya re ge a mmona, a iphetela ka thoko. Molefi yo mongwe le yena a tšwelela; ge a fihla felo fao, a re go mmona, a iphetela ka thoko. Mosamaria yo mongwe, yo le yena a bego a tšea ka tsela yeo, a mo wela. Yena ge a mmona a mo hlomogela pelo.” Lukase 10:30-33

Re bolela ka go ba mohlanka le gore go hlaloša eng go ba mohlanka wa Modimo. Seswantšho se se tsebjago kudu sa Mosamaria wa kgaugelo ke mohlala o mmotse wa motho wa pelo ya mohlanka. Ke ka labaka la eng Mosamaria yo a ka ema le go hlokomela monna yo a gobetšego, mo a ka bago kotsing e kgolo? A ka ba a fetile ka thoko ga tsela monna yo a gobetšego gomme go be go ka se be le motho yo a tsebilego, gwa se be le motho yo a mo solago. Ke nagana gore mafelelong, go na le lebaka le tee fela; o bile le pelo ya mohlanka. O bile le pelo ya kwelobohloko. Jesu o rile o kwetše monna yo a bethilwego bohloko. O bile le kwelobohloko, gomme ka lebaka la kwelobohloko yeo, o ile a mo thuša.

Pejana, re boletše ka go ba gona bjalo ka ye nngwe ya dilo tše bohlokwa tša go ba mohlanka. Seswantšho se tiišetša seo. Mosamaria ga a rulaganya gore se se direge. E be e se karolo ya dithulaganyo tša gagwe tša letšatši. O bone tlhoko gomme a ba gona. O be a le leetong gomme a butše mahlo go bona monyetla wa go hlankela. Go na le menyetla e bonolo ya tirelo pele ga rena letšatši le letšatši, eupša nakong e ntši, ga re be gona go ka e šomiša. Modimo ga a šome ka pukutšatši ya rena. Tše re swanetšego go di dira ka dipukutšatšing tša rena le diselefounung gantši di sepelelana le tše a nyakago gore re di dire. Modimo a ka re šomiša ge re na le kwelobohloko go dinyakwa tša ba bangwe gomme re ikemišeditše go ba gona go tše yena a nyakago gore re di dire.