Dikenywa tša Moya – Letšatši la 18

Dikenywa tša Moya tšona ke lerato, le lethabo, le khutšo, le bopelotelele, le botho, le go loka, le potego, le boleta, le boitshwaro. Bagalata 5:22-23a

“Ke le tlogelela khutšo; ke khutšo ya ka ye ke le fago yona. Ga ke le tlogelele yona bjalo ka batho ba lefase. Le se ke la ferekana, le se ke la boifa.” Johanese 14:27

Na e sa le wa ngangišana le motho yo a sa fetšego ngangišano, go fihla mafelelong le tšea sephetho sa go se sa lwa, le ge le sa dumelelane? Le ge le dumetše go se dumelelane, ngangišano ka moka e thoma gape ka lehloyo ka moka, la go feta pele.

Khutšo ya nnete ga se go efoga ngangišano. Bjalo ka ge lethabo e se go hloka mathata, khutšo ga se go hloka ngangišano, eupša bogona bja Modimo go sa šetšwe ngangišano. Khutšo ya nnete ke botlalo, botee le Modimo yo a hwetšwago fela sefapanong. Jesu o hlalošwa bjalo ka Kgoši ya Khutšo, yo, ge re bala go Johanese 14, a tlišago khutšo dipelong tša ba ba e nyakago.

Khutšo ke poelo ya tswalano le Modimo. Khutšo ke boemo bja go khutša bjo bo tlago go tšwa go nyakeng Modimo. Khutšo ke leganetši la tlhakatlhakano. Khutšo ya nnete ke kgonthišetšo ye e nago le lethabo la gore Modimo o laola bophelo bja gago gomme ka mehla o šoma go phethagatša morero wa gagwe. Modimo o tseba dikganyogo tša gago tše di sa phethagalago, ditoro tša gago tše di robegilego, manyami a gago le diphenyo tša gago. A ka tliša khutšo bophelong bja gago ka gare ga ditlhohlo tše gomme o hlologela go go direla seo, lehono.

Morago ga go hwetša khutšo le Modimo ka go amogela sehlabelo sa Jesu, re ka itemogela khutšo ya Modimo. Re hloka khutšo ye letšatši le letšatši. Re e fiwa ge re e hloka, ge fela re tsepelela go Modimo.