Dikenywa tša Moya – Letšatši la 16

Dikenywa tša Moya tšona ke lerato, le lethabo, le khutšo, le bopelotelele, le botho, le go loka, le potego, le boleta, le boitshwaro. Bagalata 5:22-23a

“Ke le fa molao wo mofsa, wa gore le ratane. Bjalo ka ge ke le ratile, le lena le rataneng.” Johanese 13:34

Lenaneo la Paulose la dika tše senyane tša semelo tše di hlalošago Mokriste ke le lengwe la mangwalo a tsebjago kudu. Go bohlokwa go lemoga gore ke kenywa e tee ye e nago le dikarolo tše senyane, e se dikenywa tša go fapafapana.

Ka Bibeleng, go na le mehuta ya go fapafapana ya lerato. Go na le lentšu la Segerike phileo, leo e lego lerato la banabeno. Go na le gape lentšu la Segerike erros, le e lego lerato magareng ga monna le mosadi. Go na le lentšu la Segerike agape, e lego lerato le Modimo a re filego lona. Ke le maatla la marato a mararo le mohuta wa lerato le re laelwago go le tšweletša go 13:34. Re swanetše go rata ba bangwe ka mohuta wa lerato le Modimo a re ratgo ka lona.

Agape ke larato le motho a le neago ka tokologo, gomme ga le nyake selo bjalo ka pušetšo gomme ga le šetše bohlokwa bja motho. Agape ke lerato ka kgetho go e na le philos, le e lego lerato ka sewelo, gomme le ra thato go e na le maikutlo. Agape e hlaloša lerato le le feletšego le Modimo a nago le lona go lefase. Ga se ka sewelo ge e le seka sa pele se se ngwetšwego go dikenywa tša Moya. Ke ka lebaka la eng lerato le le bohlokwa bophelong bja Molatedi wa Kriste? Ke ka lebaka la eng lerato le ka ngwalwa pele magareng ga dikenywa tša Moya, tše di ngwetšwego gantši ka mangwalong le go bolelwa gantši ke Jesu ka boyena? Ka ntle le lerato, dilo ka moka ga di na mohola. Gantši, re nagana gore tumelo le mediro di bohlokwa go feta lerato. Nnete ke gore mediro yeo e swanetše e be ye theilwego go lerato. Ge re dira mediro e mmotse, e swanetše e be ka lerato, e se mošomo. Ge re opela dikopelo tša tumišo go Morena, e swanetše go ba e le ka lerato la rena go yena, e se molao.

Ge re ka boloka molao wa Jesu wa gore re ratane, mo e nyakilego e e ba dilo ka moka tše re laelwago go di dira di tla ba bonolo go di dira. Ba tla tseba gore re Bakriste ka lerato la rena. A re le bontšheng!