Bileditšwe go hlokomela

Go fa tlhokomelo ke pitšo ye e nago le meputso ye mentši. Mo go wena, bjalo ka mohlokomedi, e ka ba le seabe se sebotse le karolo ye e tseneletšego bophelong bja gago. Le ge go le bjalo, go fa tlhlokomelo gape go ka lapiša mohlokomedi. Go na le malwetši a mantši a a re dikologilego – batho ba ba nago le HIV/Aids, ba go ba le kankere, batšofadi, le bao ba nago le malwetši a go se alafege. Mangwalo a Makgethwa a tla tliša kholofelo, tlhohleletšo, le pono go hlokomeleng ga gago. Re rapela gore Mangwalo a a Makgethwa a tla go hlohla gore o gole semoyeng le go matlafatša tumelo ya gago. Mantšu a ona a a neago bophelo a šoma go bahlokomedi go tšwa mahlakoreng ka moka a bophelo: batho bao ba tlwaelegilego bao ba hlokomelago leloko la lelapa, bašomedi fela, bahlokomedi bao ba hlahlilwego, goba baeletši bao ba hlahliwego gammogo le bafakalafi bao ba abago thekgo le tlhahlo.