Bohlale bjo bo sa felego – Letšatši 19

₉Ke rapela gore lerato la lena le gole le eya le na le tsebo le kwešišo ye e feletšego, ₁₀gore le kgone go kgetha se sebotse. Ke mo le tlago ba ba ba hlwekilego ba go hloka bosodi ka letšatši le Kriste a tla bego a etla ka lona.

₁A re tlogeleng thuto ye go thongwago ka yona ge go rutwa molaetša wa Kriste, re feteleng pele go rutwa tša Sekriste ka botlalo. A re se boeletšeng tša mathomong, mola re furalela mediro ye e se nago mohola re dumela go Modimo;

₆Molaetša woo le tloga le o dumetše

₉Ka lebaka leo, e sa le go tloga mola ra kwago ka lena, ga re lese go le rapelela. Re kgopela Modimo gore a le tlatše tsebo ya thato ya gagwe, ka bohlale bjohle le kwešišo yohle ye e tšwago go Moya wa gagwe. ₁₀Ke mo le tlago kgona go phela ka mo Morena a nyakago ka gona, la dira fela tše di mo kgahlago. Bophelong bja lena la tšweletša tša go loka tša mehuta, la tšwela pele le go tseba Modimo.

₂Le etše masea a a sa tšogo belegwa, le nyorelwe maswi a semoya a a sego a talošwa, gore ge le a nwa le gole mme le phološwe.