Bohlale bjo bo sa felego – Letšatši 18

₂₄Gape motho ga se a swanela go nyaka tša go ikhola, eupša o swanetše go nyaka tša go hola ba bangwe.

₃₂Le se ke la kgopiša Bajuda goba bao e sego Bajuda goba phuthego ya Modimo. ₃₃Le etše nna: nna ke leka go kgahla batho ka moka mo go tšohle tše ke di dirago, ke sa gabe go ikhola, eupša ke gaba go hola batho bohle, gore ba phologe.

₂₁Motho a ikokobetše go mongwekayena e le ka lebaka la ge le hlompha Kriste.

₁₀Le rataneng kudu ka mo go lebanego badumedi, mme le fišegele go hlomphana.

₉Re se ke ra lapa go dira tše di lokilego, gobane ge re ka se lape re tla tla re buna ka nako ya gona. ₁₀Ka gona, ge re na le sebaka re direleng batho bohle tše di lokilego, gagolo bao e lego ba tumelo ya rena.

₅Le hlalefele go phedišana gabotse le bao e sego badumedi, gomme sebaka se sengwe le se sengwe se le se hwetšago le se šomišetše go ba bontšha gore lena le badumedi. ₆Ka mehla tše le di bolelago e be tše di kgahlišago, tše di nago le letswai, le gona le kgone go fetola mang le mang ka mo go swanetšego.

₁₆Le sa lena seetša a se bonegele batho ka tsela yeo, gore ba tle ba bone mediro ya lena ye mebotse, gomme ba tumiše Tatagolena wa legodimong.”

₂₂Le se iphore ka go theeletša fela Ebangedi, eupša le dire ka mo e laelago ka gona.

₁₀Ka gona, banabešo, le itiišeng go dira gore go bitšwa le go kgethwa ke Modimo ga lena go thupele. Ge le ka dira bjalo, le ka se tsoge le kgelogile.

₁₈Bana ba ka, lerato la rena a e se be la molomo, a e be la mmannete, le le ipontšhago ka mediro.

₁₉Ka gona, ke ka lona lerato mo re kago tseba gore re ba therešo; ke ka lona mo re kago tia maatla mo pele ga Modimo,