Batamela kgauswi le Modimo – Letšatši la 7

[Babadi ba bangwe ba ka ba le potšišo ye e latelago: Ke nyaka go tseba Bibele bokaone, eupša ga ke tsebe gore ke thome kae.]

Mengwaga e mmalwa ya go feta, ke bile le tumo e bjalo. Ke be ke nyaka go tseba Modimo bokaone, eupša ka hwetša go le boima go kwešiša Bibele. Nakong ya poledišano, motho yo mongwe o mphile dikgato tše pedi tše di mo thušitšego. Ke ile ka di diriša, gomme lekga la pele, ka itemogela Bibele e fotoga go tšwa go puku ya go tlwaelega go ba Lentšu la Modimo le maatla le le phelago (Baheberu 4:12). Ke rata go le abela dikgato tše tše pedi lehono:

Kgato ya 1: Mema Moya wo Mokgethwa go go hlahla
Bangwadi ba Bibele ba hebeditšwe ke Moya wo Mokgethwa. Ke mang, gomme, yo a ka re hlahlago bokaone go ka kwešiša Bibele go feta Moya wo Mokgethwa ka boyena? Ge o dula fase go bala Lentšu la Modimo, o ka kgopela Modimo go go hlahla, ka Moya wa Gagwe wo Mokgethwa, go go thuša go kwešiša se o lego kgauswi le go se bala. Go Johanese 16:13-14, Jesu o re ka Moya wo Mokgethwa: “E tla re ge go tlile wona Moya wa go utolla therešo, wa le tsebiša therešo ka moka. Gape o tla be o sa ipolelele, o tla be o bolela tše o di kwago; o le begela le tše di sa tlilogo hlaga. O tla nkgodiša, ka gobane tše o tlago be o le botša tšona e tla be e le tše di tšwago go nna.”

Kgato ya 2: Thoma go utolla semelo sa Modimo
Modimo o re fele Bibele go re ruta nnete, go thibela bohlanogi le go hlagolela boitshwaro bja maleba, eupša gape le go tseba Yena bokaone. Re utolla semelo sa Modimo ge re bala Lentšu la Gagwe. Go Doiteronomio 4:29 re ba la gore: “… gomme ge le ka mo nyaka ka dipelo tša lena ka moka, le tla mo hwetša.” Go e na le go bala tema go tšwa Bibeleng, go fa mohlala, kanegelo ya Dafida le Goliate goba Jona le hlapi, thoma go ipotšiša gore melaetša ye e itšego e go bontšha eng ka semelo sa Modimo. E ngwale fase gomme o akanye ka yona, o tseba gore dipharologantšho tša Modimo ga di a fetoga lehono le go direga bophelong bja gago.

Ka Bibeleng, go tloga go Genese go ya go Kutollo, re bona gore Jesu Kriste o bohlokwa. Morago ga go wa ga motho go Genese, Modimo o rulagantše go romela Jesu lefaseng gore re phologe. Ka go Testamente ye Tala, O lokišeditše batho go sehloa sa tlholo mathomong a Testamente ye Mpsha, e lego matswalo a Morwa wa Gagwe, Jesu Kriste. Ge o bala Bibele ka se kgopolong ya gago, o tla hwetša lerato le le phethagetšego la Modimo, kgaugelo le mogau, go rena ka moka, ka tsela e mpsha.

Ekaba o nyaka go tseba Modimo bokaone? Ikhweletše thulaganyo ya go bala Bibele gomme o kgopele Moya wo Mokgethwa go ba mohlahli le moruti wa gago ge o bala Lentšu. Gape, thoma go nyaka Modimo go temana e nngwe le e nngwe e o e balago gomme le wena o ka itemogela ka fao Lentšu la Modimo le phelago le go ba le maatla, gomme le wena (mohlomongwe lekga la pele) o ka kwa Modimo a bolela le wena go tšwa go lona. Modimo a go šegofatše.