A ka kgona … – letšatši la 19
A ka re šomiša bjalo ka didirišwa tša Gagwe
(Di)temana ya Bibele
Pesalome 37
Nakong e fitilego, re boletše ka seswantšho sa banyalani bao ba tšofetšego (bobedi ba mengwaga ye e ka bago e 70) nakong ya lenaneo la mesong go Tygerberg 104FM. Seswantšho se tšweletše go Die Burger mesong yeo. Seswantšhong, banyalani ba eme pele ga karatšhe ya bona ye e swelego. Lehodu le lekile go utswa koloi ya bona. Lega go le bjalo, sekete ya mohlagase e thomile mollo. Ka metsotso e sego kae, koloi ya bona ya swa lorelore, le gaešita diaparo tša marega tša mosadi. Ka mahlatse, kgoro ya ditimamollo ya tima mollo pele o fihla ntlong.
Ka motsotswana fela, ra tšea sepheto, ka studiong, ra kgopela batheetši ba rena ge e ba ba ka re thuša go ka thuša banyalani. Re ile ra makatšwa ke meneelo ya ka pela, ya go loka go tšwa go batheetši ba rena. Ka morago ga letšatši, re ile ra ya go makatša banyalani.
Banyalani ba ile ba makatšwa ke ketelo ya rena. Le go feta ge re ba botša gore batheetši ba rena, bao ba bego ba sa ba tsebe, ba bile le botho kudu go ka ba thuša ka R21 000. Bobedi monna le mosadi ba ile ba phumola megokgo. A le gare a lla, mosadi a re botša gore o boletše le Modimo mesong yeo mabapi le boemo. O be a tshwenyegile kudu. Ba be ba se na inšuransi go koloi, gomme a ipotšiša gore ba tla emaema bjang ntle le koloi.
Ka gopola mantšu a Pesalome 37:5: “Dula o ipeile ka diatleng tša Morena; o mmotile mme yena o tla go phethela.” O be a sa tsebe se se bego se ba letetše, eupša Modimo o be a se tseba. Ke Yena yo a gogetšego šedi ya rena go sengwalwa ka studiong. A nolofatša dipelo tša batheetši go neela tšhelete. A tšea kgato. Re be re le fela didirišwa diatleng tša Gagwe.
Ke eng senyakwa sa gago lehono? Modimo a ka go makatša le wena. Ka tsela ye e swanago, letšatši le letšatši, re na le menyetla e mentšinyana go ka dira phapano maphelong a batho ba bangwe. Ka nako ye nngwe dinyakwa ke tša nama. Dinakong tše dingwe, ke senyakwa sa maikwelo seo re ka e fihlelelago ka thapelo goba go ba ba ba lokilego go bona. Modimo o tseba senyakwa gomme O tla re etela pele ka Moya wo Mokgethwa go bontšha lerato la Gagwe lefaseng le le robegilego. E ka ba o tla obamela pitšo ya gagwe lehono? Modimo a go šegofatše.
Mošomo wa letšatši: Kgopela Modimo ka go lebanya go go dira gore o lemoge maemo moo batho ba hlokago thušo. Obamela gomme o thuše ge senyakwa se tšwelela.
