A ka kgona … – letšatši la 11

Diiri tše e ka bago tše 48 pele ga moletlo wa gagwe wa go laelana wa marematlou, mothuši wa tša ditšhelete yo a bego a swanetše go nea Keizhia bošego bja ditoro tša gagwe, o ile a re tsebiša gore ka lebaka la ditlhohlo tše di bego di sa letelwa, a ka se sa kgona go thuša. Se e bile bothata. Keizhia, naletšana ya morutwana ka mphatong wa gagwe, e be le o tee wa barutwana ba marematlou bao ba hlokago bao ba hlaotšwego bjalo ka karolo ya rena ya ngwaga ka ngwaga ya Protšeke ya Taelano ya Marematlou kua Tygerberg 104FM.

Re ile ra kgona go hwetša bathuši ba rena ba ditšhelete go ka ba dira meriri, go ba thaga difahlego le go ba dira manala. Ra mo hweletša koloi ya mabaibai go mo iša moletlong. Selo fela se re bego re se hloka e be e le roko e botse le dieta tše di ka lekanago Keizhia.
Mo ke gona moo re kopanego le Yolandi, motheetši wa Tygerberg 104FM. O ile a re adima roko ya morwedi wa gagwe, yo a bego a dira marematlou ngwaga wa go feta. Roko le dieta di ile tša mo lekana gabotse. Yolandi o tšwetše pele ka go dumelela Keizhia go tla ntlong ya gagwe le go tšea diswantšho fao, pele a ka išwa moletlong wa taelano. Ka nnete e be e le tiragalo e kgethegilego.

Matšatšai a mmalwa fela morago, ke ile ka kwa selo sa go kgahliša kudu ka moletlo wo. Yolandi o hweditšwe a na le kankere dikgwedi tše mmalwa pele. A amogela kalafo, o ile a swanela ke go dira diteko tša madi. Labone la moletlo wa taelano wa marematlou, o ile a itlhaganela sepetlele ka ge tekanyo ya gagwe ya madi e be e le godimo kudu gomme dingaka di tšhoga gore a ka ba le madi a kgahlilego. Yolandi a tšea sephetho sa go šutiša leeto la gagwe la go ya sepetlele, gore a kgone go thuša Keizhia pele gore a ikwe e le yo a kgethegilego kudu, pele a eya sepetlele. Ge a fihla fao bošegong bjoo, tekanyo ya madi e be e sa le godimo. Profeto e be e le gore o be a swanetše ke go fetša mafelo a beke a le sepetlele. E be e le ditaba tše mpe go yena le go bana ba gagwe ba bararo bao ba bego ba le gae.
Mesong ya go latela ge ngaka e fihla, ngaka e ile ya makala. Bošegong bjo tee, tekanyo ya madi e ile ya okobala ka mo go feletšego. A re ke selo se a se bonago ka sewelo. Yolandi o ile a fetša mafelo ao a beke gae.

Tiragalo e nkgopoditše mantšu a Jesu go Mateu 6:18: “Gomme Tatago, yo a bonago tše di dirwago ka sephiring, o tla go putsa.” Go Diema 19:17 re bala gore: “Yo a fago modiidi selo o adima Morena, gomme Morena o tla mo putsa.” Gomme go Diema 3:27 re bala gore: “O se time motho se sebotse se a se hlokago, ge o ka kgona go mo thuša.”

Ka nnete ga re a swanela go thuša batho bao ba hlokago thušo ka maikemišetšo a go hwetša se sengwe morago. Gomme, go sa kgahliša go nna gore ke makga a makae ke bona Modimo a lokile go bao ba thušago bao ba hlokago thušo – kudukudu ge go se na motho yo a tsebago ka mediro ya bona ye mebotse. A re bule mahlo a rena go menyetla go ba sedirišwa ka seatleng sa Modimo lehono. Ke na le nnete ya gore e Mo dira gore a myemyele. Modimo a go šegofatše.

Mošomo wa letšatši: Kgopela Modimo a go hlahle lehono ka Moya wa Gagwe wo Mokgethwa go ka lemoga motho o tee yo a hlokago thušo (nameng goba maikutlong). Kgopela bohlale go ka tseba ka fao o kago ba thekga. Tšea kgato ya tumelo gomme o be matsogo le maoto a Jesu bophelong bja motho yoo.