Pesalome 93

₁Morena ke kgoši,

o apere borena;

Morena o tšhepile,

maatla ke lepanta la gagwe.

O tsemile lefase madulong a lona,

gomme le ka se šikinyege.

₂Setulo sa gago sa bogoši se tsemilwe mathomong;

wena o bile gona go tloga le go tloga.

₃Phamphamawatle e a rora, Morena;

e hlaboša modumo e bopa.

₄Modumo wa meetsemagolo ke wo maatla;

wa maphoto a lewatle ke wo maatla le go fetiša;

eupša Morena wa legodimo yena ke yo maatla phetelela.

₅Wena melao ya gago e tiile,

ga e fetoge;

Morena,

ntlo ya gago e swanelwa ke bokgethwa go ya go ile.