Go hlologela Modimo
Ke pesalome ya Dafida mola a le lešokeng la Juda.
1Modimo, o Modimo wa ka,
mme ke go hlologetše;
ke go hlologetše ka pelo ya ka ka moka.
Ke go nyoretšwe bjalo ka motho a nyorilwe nageng ye e omilego ya lehwafa, ya go hloka meetse.
2Ke nyaka go go bona ka Tempeleng ya gago ye kgethwa,
go bona maatla le letago la gago.
3Lerato la gago, kilaphetogo,
le phala le bjona bophelo,
ka gona ke tla go tumiša.
4Ke tla go reta ka mehla ge ke sa phela;
ke tla emiša diatla ke go tumiša.
5Pelo ya ka e tla ipshina
bjalo ka ya motho yo a khošego tša monyanya,
mme ka go reta ka mekgolokwane.
6Ge ke patlame malaong ke a go gopola;
bošego bjohle ke lala ke nagana ka wena,
7gobane o nthušitše ka mehla.
Ke tla goa ke thabile ke šireleditšwe ke wena.
8Ke a go kgomarela,
mme wena o nthekga ka letsogo la gago le le tiilego.
9Bao ba lekago go mpolaya go tla kodumela bona fasefase bodulabahu.
10Ba tla bolawa ka tšhoša,
ba lewa ke diphukubje.
11Kgoši yona e tla thabišwa ke tše e di diretšwego ke Modimo,
mme bohle ba ba enago ka leina la Modimo ba tla ikgantšha ka yena,
eupša ba maaka bona ba tla thibja melomo.
