Pesalome 53

₁Mašilo ka pelong a re:

“Modimo ga a gona.”

Ba dira tše kgopo le tše di šiišago –

ga go le o tee wa go dira tše di lokilego.

₂Modimo yena o lebeletše batho a le legodimong

go bona ge eba go na le wa kwešišo,

yo a mo khunamelago.

₃Eupša bohle ba kgelogile,

ka moka ba senyegile.

Ga go le o tee wa go dira tše di lokilego,

ee, le o tee ga a gona.

₄Modimo o a botšiša o re:

“Na badirakgopo ga ba na temogo?

Ba phela ka go radia tšhaba sa ka,

le gona ga ba nthapele, nna, Modimo.”

₅Eupša ba tla thothomela ka letšhogo,

etšwe go se na sa go tšhoša.

Modimo o tla gašanya marapo a bao ba dikaneditšego setšhaba sa gagwe.

Setšhaba sa gagwe sona se tla ba hlabiša dihlong ka ge Modimo a ba lahlile.

₆A Sione go tšwe phološo ya Israele!

Mohla Modimo a bušetšago setšhaba sa gagwe sekeng sa sona,

ditlogolo tšeo tša Jakobo di tla thakgala,

setšhaba sa Israele se tla hlalala.