Pesalome 141

₁Morena, ke a go llela;

hle, nanoga, o tle go nna;

nkwe ge ke go llela.

₂A thapelo ya ka e go kgahle go etša seorelo;

ge ke phagamišitše matsogo a swane le sehlabelo sa mantšiboa.

₃Morena, o se ntese ke bolela tše di sego tša swanela,

goba ke bolela ka lephakuphaku.

₄Ntote ke se rate go dira tše mpe,

ka dira bošaedi ka boomo le badirakgopo;

ke se je menyanyeng ya bona.

₅Go otlwa le go kgalwa ke moloki ka lerato ga ke go gane;

eupša go hlompšha ke bakgopo gona ke go gana nnako;

ke tla no ba rapelela le ge ba ntira gampe.

₆Mohla babuši ba bona ba thetheošwa malekelekeng,

ke mohla ba tlago dumela gore ke boletše nnete.

₇Marapo a bona a gašagane mojako wa bodulabahu,

a swana le dinkgetlwana tša tšhilo ye e pšhatlaganego fase.

₈Nnaena mahlo a ka a lebeletše wena,

Morena, Mong wa ka;

nna ke khuta ka wena,

o se ntlogele ke ehwa.

₉Ntšhireletše difung tše ba ntheilego ka tšona,

melabeng ya bona badirakgopo bao.

₁₀Bakgopo a ba tanywe ke melaba ya bona;

ge e le nna ke iphetele sesolo.