Pesalome 13

₁Morena, o tla ntebala go fihlela neng?

E tla ba go ya go ile na?

A o tla mphuralela go fihlela neng?

₂Ke tla khupela bohloko go fihla neng?

Ke tla phela ke nyamile letšatši ka letšatši go fihlela neng?

Manaba a ka a tla ntaola go fihlela neng?

₃Ntebelele hle, Morena, Modimo wa ka,

mme o nkarabe ge ke go rapela.

Ntapološe gore ke se nape ka hwa,

₄gore lenaba la ka le se re:

“Ke mo swinne!”

gore dira tša ka di se thabele go wa ga ka.

₅Ge e le nna ke itshepetše lerato la gago, kilaphetogo;

ke tla hlalalela ge o ntlhakoditše.

₆A ke go opelele, Morena,

gobane o ntoketše.