DZIPHISALEMA 61

₁Yowee Mudzimu, ipfa tshililo tshanga,

thetshelesa thabelo yanga!

₂Ndi u ṱavhela mukosi ndi ngeno mugumoni wa ḽifhasi,

mbilu yanga yo ṋoka.

Nnyendedze ndi gonye tombo ḽi mphiraho.

₃Ndi Iwe vhukhudo hanga,

u mutsheṱo wo khwaṱhaho,

maswina a nga si dzhene.

₄Litsha ndi dzule nḓuni yau lini na lini,

ndi khude nga phapha dzau.

₅Iwe Mudzimu wo pfa zwe nda u anela;

wo nṋea ifa ḽi ṋewaho vhane vha ofha dzina ḽau.

₆Nṋe khosi nṋee ndalamo,

ngavhe ndi tshi tshila nda vhona mirafho na mirafho;

₇ngavhe ndi tshi dzula ndi khosi maṱoni a Mudzimu lini na lini.

Nndinde nga vhuthu hau na u fulufhedzea.

₈Ndi hone ndi tshi ḓo u renda nga nyimbo lini na lini,

maḓuvha oṱhe nda khunyeledza zwe nda u anela.