DZIPHISALEMA 54

₁Mudzimu, ntshidze nga dzina ḽau,

ntsengele, hufha u na maanḓa.

₂Mudzimu, ipfa thabelo yanga;

thetshelesa zwine nda amba.

₃Vhatsinda vho mmvutshela,

vhathu vha tshiṱuhu vha ṱoḓa u mmbulaha,

vhathu vha sa londi Mudzimu.

₄Vhonani,

Mudzimu ndi Mulamuleli wanga,

Muṋe wa zwoṱhe ndi thikho yanga.

₅U ḓo lifhedza maswina anga nga vhuvhi havho;

u vha lozwe,

hufha u tshi fulufhedzea.

₆Ndi ḓo u ṋekedza nduvho

nga mbilu tshena;

Muṋe washu,

ndi ḓo renda Dzina ḽau,

u na vhuthu.

₇Wo ntshidza khomboni dzoṱhe,

nda konou kunda maswina anga.