DZIPHISALEMA 43

₁Mudzimu, ntsengele u ime na nṋe

musi ndi tshi lwa na mashandukwa,

ndi ponyoke vhalevhi vha vhufhura!

₂Mudzimu,

vhushavhelo hanga ndi Iwe;

u nndaṱelani?

Ndi mini ndi tshi enda ndo ṱungufhala

ndi tshi kandeledzwa nga maswina anga?

₃Kha ndi endedzwe nga tshedza tshau na ngoho yau,

zwi ntswikise thavhani yau khethwa hune wa dzula.

₄Ndi hone ndi tshi ḓo ya aḽiṱarini ya Mudzimu,

nda swika ha Mudzimu,

Ene dakalo ḽanga,

Ene Mufhululedzwa.

Ndi ḓo u renda nga haripa,

Iwe Mudzimu,

Mudzimu wanga.

₅Wo ṱungufhalelani, iwe muya wanga?

Ndi mini u sa ruli?

Lindela Mudzimu,

ndi ḓo dovha nda mu renda,

Ene Mudzimu wanga a ntshidzaho!