DZIPHISALEMA 3
Thabelo ya nga matsheloni ya u humbela u lamulelwa nga Mudzimu
Phisalema ya Dafita zwiḽa o shavha ṅwana wawe Abisalomo.
Vhuswina ha vhathu
1Muṋe washu,
vhona uri maswina anga o anda hani!
Ndi vhanzhi vha mmvutshelaho,
2a si vhaṱuku vhane vha tshi nnyamba vha ri,
“Mudzimu a nga si mu lamulele.”
Tsireledzo ya Mudzimu
3Hone Iwe Muṋe washu
u tshiṱangu tsha u mpilela:
vhugala hanga ndi Iwe,
ndi Iwe u mmbeaho maṱhakheni.
4Ndi ṱavhela Muṋe washu mukosi,
a mpfa e thavhani yawe khethwa.
U rudza mbilu
5Ndi lala fhasi nda eḓela,
nda dovha nda vuwa;
ndi tikwa nga Muṋe washu.
6Tshakha dzine dza nndia
dzi tshi bva thungo dzoṱhe,
a thi nga dzi ofhi na u ḓala hádzo.
Gundo na mashudu
7Takuwa Muṋe washu!
Mudzimu wanga, iḓa u ntshidze!
Hufha u tshi ḓi bomodza maswina anga,
vhavhi u tshi ḓi vha kula maṋo.
8U tshidza hu bva kha Iwe Muṋe washu.
Dzula u tshi ḓi shudufhadza vhathu vhau.
© Bible Society of South Africa 1998. Used with permission. All rights reserved.
