DZIPHISALEMA 19

₁Ḽiṱaḓulu ḽi ṱanziela vhugala ha Mudzimu,

lutombo lu ḓivhadza mishumo ya zwanḓa zwawe,

₂ḓuvha ḽi tshi tsha ḽi tsha na zwaḽo,

vhusiku vhuṅwe na vhuṅwe vhu ḓa na nḓivho.

₃Maipfi azwo ha bulwi nga mulomo,

mafhungo azwo ha pfiwi nga nḓevhe.

₄Hone mukosi wazwo u swika he shango ḽa kanda,

maipfi azwo a guma vhusendekamisi,

he ḓuvha ḽa fhaṱelwa thumba yaḽo.

₅Ḽi bva khayo unga mukwasha a tshi bva nḓuni,

ḽi dzhena mudavhini wa mbambe nga dakalo

unga munna wa maanḓa.

₆Ḽi takuwa henengei vhusendekamisi,

ḽa fhambanya ḽa yo tota tombo vhusendekamisi,

a hu na tshine tsha tinya u fhisa haḽo.

₇Mulayo wa Muṋe washu a hu na hune wa solisea,

u netulusa muya wa muthu;

ndayo ya Muṋe washu i a fulufhedzea,

i ṱalifhisa vha si na maano;

₈milayo ya Muṋe washu yo tou tswititi,

i takadza mbilu;

ndaela dza Muṋe washu dzo kuna,

dzi vhonetshela muthu;

₉u ofha Muṋe washu

hu sendedza muthu kule na zwa dzitshika,

a hu na upfi zwi a fhela;

zwe Muṋe washu a laya ndi zwa ngoho,

a hu na na tshi soliseaho khazwo;

₁₀zwi takadza u fhira musuku,

naho u munzhi wo bviswa manyelo;

zwi ḓifha u fhira mutoli,

u fhira na tshigili tsha ṋotshi.

₁₁Na nṋe mulanda wau ndi laiwa ngazwo,

u zwi vhulunga zwi na pfufho khulu.

₁₂Ndi nnyi ane a nga vhona vhukhakhi hawe?

Nṱanzwe-ha na milandu yo dzumbamaho.

₁₃Ntsendedze kule na u ḓiḓivha,

u songo tenda ndi tshi vhuswa nga zwo raloho;

ndi hone ndi sa nga solisei,

ndi si na milandu i lemelaho.

₁₄Zwine nda amba na zwine nda humbula

nga zwi vhe zwi takadzaho Iwe Muṋe washu,

bako ḽanga ḽa u khuda,

Mulamuleli wanga.