DZIPHISALEMA 1

₁Wa mashudu ndi uyo munna

ane muvhi a sa vhe tsumbanḓila yawe,

a sa kandi nḓilani ya vhatshinyi,

a si na tshitumbe na vha no nyefula zwa Mudzimu,

₂tshawe ha vha u takalela Mulayo wa Muṋe washu,

a u elekanya vhusiku na masiari.

₃U nga muri wo ṱavhiwaho khunzikhunzini ya mulambo,

u sa fhidzi u aṋwa mitshelo,

u sa puti maṱari.

Zwoṱhe zwine a ita zwi a mu nakela.

₄Vhavhi vhone a vho ngo ralo,

vha nga mungu u hwalwaho nga muya.

₅Ndi zwine khaṱhulo i tshi ḓa vhavhi vha sa ḓo dziba,

vhatshinyi a vha nga dzheni khuvhanganoni ya vhavhuya.

₆Nḓila ya a no fulufhedzea

i lindwa nga Muṋe washu,

ya vhavhi yone ndi ya u lovha.