NUMERI 26

₁Musi dwadze ḽo no fhira, Muṋe washu a amba na Mushe na Eliasara ṅwana wa tshifhe Aroni a ri, ₂“Vhalani vhathu zwi tshi ya nga miṱa ya vhathu vhoṱhe vha Israele, ni vhale vhanna vhoṱhe u bva kha miṅwaha ya 20 vho teaho u bva pfumo.” _3-4Mushe na Eliasara vha ita zwe Muṋe washu a amba, vha kuvhanganya vhanna vhoṱhe vha miṅwaha yeneyo. Vha kuvhangana magovhani a Muaba tsini ha mulambo wa Jorodani ho livhanaho na Jerikho.

Vhaisraele vho pfuluwaho Egipita ngevhano:

₅Vha tsinde ḽa Rubeni tanzhe ḽa Jakopo ndi: mitupo ya Hanokho na Phalu ₆na Esromu na Kharami. ₇Vhanna vha mitupo heyo vho vha vhe 43 730. ₈Vha lutsinga lwa Phalu vho vha vhe Eliaba ₉na vhana vhawe Nemuele na Dathani na Abiramu: (Havho ndi Dathani na Abiramu vhaḽa vhe vha khethwa nga vhathu, vha nyadza Mushe na Aroni, vha ḓibaḓekanya na vho imaho na Kora zwiḽa vha tshi shandukela Muṋe washu, ₁₀mavu a vulea a vha mila, vha fa na Kora na vhane vha ima nae zwiḽa mulilo u tshi fhisa vhanna vha 250 vha fhela, vha vha tshiga tsha u kaidza vhathu. ₁₁Hone vhana vha Kora vha si swe.)

₁₂Vha tsinde ḽa Simioni ndi: mitupo ya Nemuele na Jamini na Jakhini ₁₃na Zera na Saulo. ₁₄Vhanna vha mitupo heyo vho vha vhe 22 200.

₁₅Vha tsinde ḽa Gadi ndi: mitupo ya Tsefoni na Hagai na Shuni ₁₆na Ozini na Eri ₁₇na Arodi na Areli. ₁₈Vhanna vha mitupo heyo vho vha vhe 40 500.

_19-21Vha tsinde ḽa Juda ndi: mitupo ya Shela na Pheretse na Zera na Esromu na Hamuli. (Vhaṅwe vhana vhavhili vha Juda, Eri na Onani, vho fela shangoni ḽa Kanana.) ₂₂Vhanna vha mitupo heyo vho vha vhe 76 500.

₂₃Vha tsinde ḽa Isakhara ndi: mitupo ya Thola na Phua ₂₄na Jashubu na Shimironi. ₂₅Vhanna vha mitupo heyo vho vha vhe 64 300.

₂₆Vha tsinde ḽa Zebuloni ndi: mitupo ya Serede na Eloni na Jahaliele. ₂₇Vhanna vha mitupo heyo vho vha vhe 60 500.

₂₈Josefa o vha e na vhana vhavhili vha vhatuka, ndi Manase na Efraimi.

₂₉Vha tsinde ḽa Manase ngevhano: Makhiri ṅwana wa Manase o vha e khotsi a Giliadi. ₃₀Vhana vha Giliadi ndi vha mitupo ya Iezere na Heleke ₃₁na Asriele na Shikheme ₃₂na Shemida na Hefere. ₃₃Tselofihadi ṅwana wa Hefere o vha a si na ṅwana wa mutuka, o vha e na vhananyana fhedzi, vho vha vha tshi pfi Mahala na Nua na Hogola na Milikha na Thiritsa. ₃₄Vhanna vha mitupo heyo vho vha vhe 52 700.

₃₅Vha tsinde ḽa Efraimi ndi: mitupo ya Shuthela na Bekhere na Thahani. ₃₆Mutupo wa Erani ndi vha lutsinga lwa Shuthela. ₃₇Vhanna vha mitupo heyo ndi 32 500.

Havho ndi vhone vha mitupo ya lutsinga lwa Josefa.

₃₈Vha tsinde ḽa Benyamini ndi: mitupo ya Bela na Ashibele na Ahiramu ₃₉na Shefufamu na Hufamu. ₄₀Mitupo ya Aridi na Naamani ndi vha lutsinga lwa Bela. ₄₁Vhanna vha mitupo heyo vho vha vhe 45 600.

₄₂Vhanna vha tsinde ḽa Dani ndi mutupo wa Shuhamu, ₄₃vhe 64 400.

₄₄Vha tsinde ḽa Ashere ndi: mitupo ya Jimina na Jishivi na Beria. ₄₅Mitupo ya Hebere na Malakhiele ndi vha lutsinga lwa Beria. ₄₆Ashere o vha e na ṅwananyana we a vha a tshi pfi Sera. ₄₇Vhanna vha mitupo heyo vho vha vhe 53 400.

₄₈Vha tsinde ḽa Nafuthali ndi: mitupo ya Jahatsiele na Guni, ₄₉na Jetsere na Shileme. ₅₀Vhanna vha mitupo heyo vho vha vhe 45 400.

₅₁Vhanna vhoṱhe vha Vhaisraele vho ṱangana vho vha vhe 601 730.

₅₂Muṋe washu a amba na Mushe a ri, ₅₃“Vha kovhele shango ḽi vhe ḽavho zwi tshi ya nga tshivhalo tshavho. _54-56U kovhekanye shango nga u ita madeṅwa, tsinde ḽine ḽa vha na vhathu vhanzhi ḽi wane shango ḽihulwane, tsinde ḽine ḽa vha na vhathu vha si gathi ḽi wane shango ḽiṱuku.”

₅₇Vha tsinde ḽa Livi vho vha vhe mitupo ya Gerisoni na Kehathi na Mirari. ₅₈Vha lutsinga lwavho vho vha vha tshi angaredza na mitupo ya Libini na Hebroni na Mahali na Mushi na Kora. Kehathi o vha e khotsi a Amuramu, ₅₉we a vha o dzea Jokhebede muḓuhulu wa Livi, we a bebwa Egipita. Jokhebede a bebela Amuramu vhatukana vhavhili, Aroni na Mushe, na khaladzi avho Miriamu. ₆₀Aroni o vha e na vhana vhaṋa vha vhatuka, ndi Nadaba na Abihu na Eliasara na Ithamara. ₆₁Nadaba na Abihu vho fa musi vha tshi ṋekedza Muṋe washu mulilo u si mukhethwa. ₆₂Vhalivi vha tshinnani vhe vha vha vhe na ṅwedzi muthihi na u fhira afho vho vha vhe 23 000. Vhone vho ṅwalelwa thungo, a vho ngo ṱanganywa na vhaṅwe Vhaisraele, nge vha vha vha songo wana mukovhe kha ḽa Israele.

₆₃Vha mitupo yoṱhe heyo vho ṅwalwa nga Mushe na Eliasara musi vha tshi vhala vhathu magovhani a Muaba tsini ha mulambo wa Jorodani u livhana na Jerikho. ₆₄Ho vha hu si tshee na munna na muthihi we a vha a tshi kha ḓi tshila kha vhe vha ṅwalwa nga Mushe na Aroni musi vha tshi vhala vhathu lwa u thoma phangani ya Sinai. ₆₅Muṋe washu o vha o amba uri vhoṱhe vha ḓo fela phangani, ha sala Khalebe ṅwana wa Jefune, na Joshua ṅwana wa Nunu fhedzi.