NEHEMIA 7

₁Zwino mutsheṱo wo vha wo no vuswa, gethe dzo no kwewa, vhalindi vha thembele na vhaimbi na Vhalivi vho vha vho no vhewa mushumoni wavho. ₂Nṋe nda vhea vhanna vhavhili uri vha lange muḓi wa Jerusalema: ndi murathu wanga Hanani, na Hanania mulangi wa mutsheṱo wa dzhavhelo. Hanania o vha a tshi fulufhedzea, a tshi ofha Mudzimu u fhira vhanna vhanzhi. ₃Nda vha vhudza nda ri vha songo vula khoro dza Jerusalema nga matsheloni, vha dzi vule ḽo no ṱavha, nahone dzi valiwe ḓuvha ḽi tshi kovhela dzi longwe khoṋo vhalindakhoro vha tshi kha ḓi vha mushumoni. Nda dovha nda vha vhudza uri vha vhee vhadzulapo vha Jerusalema vha vhe vhalindi, vhaṅwe vha linde he vha telwa hone, vhaṅwe vha linde tsini ha nnḓu dzavho.

₄Jerusalema wo vha u muḓi muhulu, hone ho vha hu si na vhathu vhanzhi vha no dzula ngomu hawo nahone ho vha hu sa athu fhaṱwa nnḓu nnzhi. ₅Mudzimu a mbo ḓi zwi dzhenisa mbiluni yanga uri ndi kuvhanganye vharangaphanḓa na vhakoma na vhathu zwavho uri vhathu vha re miṱani vha ṅwaliswe. Nda wana he ha ṅwalwa vhaḽa vhe vha ranga u vhuya vhuthubwani zwi tshi ya nga lutsinga lwavho. Nda wana ho ṅwalwa hezwino:

₆Mathubwa manzhi vho ṱuwa Babele vha vhuelela Jerusalema na Juda, muṅwe na muṅwe a vhuelela muḓini wa hawe. Vhuthubwani vho vha vha tshi khou dzula Babele u bva tshee khosi Nebukhadnetsara a vha thubela hone. ₇Vharangaphanḓa vhavho vho vha vhe Zerubabele na Joshua na Nehemia na Azaria na Raamia na Nahamani na Maradokai na Bilishani na Misipherethe na Bigivai na Nehumi na Baana.

Mutevhe wa mitupo ya Israele ngoyu, na mbalo ya mutupo muṅwe na muṅwe zwa vhe vha vhuya vha tshi bva vhuthubwani:

Vhathu vhe vhomakhulukuku wavho vha vha vha tshi dzula miḓini heino i tevhelaho na vhone vho vhuya:

₃₉Mutevhe wa mitupo ya vhotshifhe vho vhuyaho vhuthubwani ngoyu:

₄₆Mitupo ya vhanna vha no shuma thembeleni:

₅₇Mitupo ya vhashumi vha Solomoni vho vhuyaho vhuthubwani:

₆₀Vhashumi vha thembele na vhaḓuhulu vha vhashumi vha Solomoni vho vhuyaho vha tshi bva vhuthubwani vho vha vhe 392.

_61-62Ho vha hu na vha 642 vha mitupo ya Delaya na Tobia na Nekoda vhe vha vhuya vha tshi bva miḓini ya Thele Mela na Thele Harasha na Kherubi na Adoni na Imere, hone vho vha vha sa koni u sumbedza uri ndi vhaḓuhulu vha Vhaisraele.

_63-64Vha mitupo ya vhotshifhe vhe vha vha vha sa koni u wana vhuṱanzi ho ṅwalwaho vhu no sumbedza vhubvo havho ngevha: ndi Hobaya na Hakotsi na Barasilai. (Makhulukuku wa mutupo wa vhotshifhe wa Barasilai o vha o vhinga musadzi a no bva kha mutupo wa Barasilai wa Giliadi, a vhidzwa nga dzina ḽa mutupo wa khotsi a musadzi wawe.) Vhunga vho vha vha sa koni u sumbedza uri vhomakhulukuku wavho ndi vhonnyi, a vho ngo tendelwa uri vha vhe vhotshifhe. ₆₅Muvhusi wa Majuda o vha vhudza uri vha nga si kone u ḽa zwiḽiwa zwo ṋekedzwaho Mudzimu hu sa athu vha na tshifhe ane a vhonisa nga madeṅwa makhethwa.

_66-68Mathubwa oṱhe o vhuyaho ndi 42 360. Vhashumi vhavho vha vhanna na vha vhasadzi ndi 7 337. Vhaimbi vha vhanna na vha vhasadzi ndi 245. Gamela ndi 435. Donngi ndi 6 720.

_69-72Vhathu vhanzhi vho bvisa zwine vha vha nazwo hu tshi vuswa thembele:

₇₃Vhotshifhe na Vhalivi na vhalindi vha thembele na vhaimbi na vhunzhi ha vhathu zwavho na vhanna vha shumaho thembeleni, vhathu vhoṱhe vha Israele, vha dzula na miḓini na miḓanani ya Juda.