JOBO 25

₂Muvhuso ndi wa Mudzimu,

o fanela u ofhiwa;

u vhusa nga mulalo ngei ṱaḓulu makoleni.

₃Ndi nnyi ane a nga vhala mara awe?

Ndi nnyi ane tshedza tsha Mudzimu

tsha si mu vhonetshele?

₄Muthu wa ṋama a nga kona hani-ha

u vha muvhuya maṱoni a Mudzimu?

Muthu o bebwaho nga musadzi

a nga vhuya a pfi ha na mulandu naa?

₅Hufha na ṅwedzi Mudzimu a tshi vhona u sa penyi,

na ṋaledzi dzi songo kuna –

₆muthu ene-ha ane a tou nga tshivhungu,

ṅwana wa muthu a no tou vha shonzha,

zwi nga tou ngani?