GENESI 5

₁Ngea mafhungo a lutsinga lwa Adamu.

Zwiḽa Mudzimu a tshi sika muthu o mu fanyisa na Ene muṋe. ₂O vha sika muṅwe e munna muṅwe e musadzi, a vha shudufhadza a ri vha pfi muthu.

₃Musi Adamu o no vha na miṅwaha ya 130, a vha na ṅwana wa mutuka a no fana nae, wa tshivhumbeo tshi no tou nga tshawe vhukuma; a ri u pfi Sethe. ₄Musi ho no bebiwa Sethe, Adamu a dovha a tshila miṅwaha ya 800, a vha na vhaṅwe vhana vha vhatuka na vha vhasidzana. ₅Adamu o tshila miṅwaha ya 930, a konou fa.

₆Sethe ó no vha na miṅwaha ya 105, a vha khotsi a Enosi, ₇musi o no beba Enosi, a dovha a tshila miṅwaha ya 807, a vha na vhaṅwe vhana vha vhatuka na vha vhasidzana. ₈Sethe o tshila miṅwaha ya 912 yo ṱangana, a konou fa.

₉Enosi ó no vha na miṅwaha ya 90, a vha khotsi a Kenani, ₁₀musi o no beba Kenani, a dovha a tshila miṅwaha ya 815, a vha na vhaṅwe vhana vha vhatuka na vha vhasidzana. ₁₁Enosi o tshila miṅwaha ya 905 yo ṱangana, a konou fa.

₁₂Kenani ó no vha na miṅwaha ya 70, a vha khotsi a Mahalalele, ₁₃musi o no beba Mahalalele, a dovha a tshila miṅwaha ya 840, a vha na vhaṅwe vhana vha vhatuka na vha vhasidzana. ₁₄Kenani o tshila miṅwaha ya 910 yo ṱangana, a konou fa.

₁₅Mahalalele ó no vha na miṅwaha ya 65, a vha khotsi a Jarede, ₁₆musi o no beba Jarede, a dovha a tshila miṅwaha ya 830, a vha na vhaṅwe vhana vha vhatuka na vha vhasidzana. ₁₇Mahalalele o tshila miṅwaha ya 895 yo ṱangana, a konou fa.

₁₈Jarede ó no vha na miṅwaha ya 162, a vha khotsi a Enokho, ₁₉musi o no beba Enokho, a dovha a tshila miṅwaha ya 800, a vha na vhaṅwe vhana vha vhatuka na vha vhasidzana. ₂₀Jarede o tshila miṅwaha ya 962 yo ṱangana, a konou fa.

₂₁Enokho ó no vha na miṅwaha ya 65, a vha khotsi a Methushaele, ₂₂musi o no beba Methushaele, a dovha a fhedza miṅwaha ya 300 a tshi ḓi konana na Mudzimu, a vha na vhaṅwe vhana vha vhatuka na vha vhasidzana. ₂₃Enokho o tshila miṅwaha ya 365 yo ṱangana. ₂₄Enokho o vha a tshi konana na Mudzimu, a vhuya a nyamalala nge Mudzimu a mu dzhia a mu ṱuwisa.

₂₅Methushaele ó no vha na miṅwaha ya 187, a vha khotsi a Lamekhe, ₂₆musi o no beba Lamekhe, a dovha a tshila miṅwaha ya 782, a vha na vhaṅwe vhana vha vhatuka na vha vhasidzana. ₂₇O tshila miṅwaha ya 969 yo ṱangana a konou fa.

₂₈Lamekhe ó no vha na miṅwaha ya 182, a vha na ṅwana wa mutuka, ₂₉a ri u pfi Nua, nge a ri, “Onoyu u ḓo ri khuthadza kha mishumo yashu na kha u tambula hashu ri tshi lima mavu e Muṋe washu a teketela.” ₃₀Musi Lamekhe o no beba Nua, a dovha a tshila miṅwaha ya 595, a beba vhaṅwe vhana vha vhatuka na vha vhasidzana. ₃₁Lamekhe o tshila miṅwaha ya 777 yo ṱangana, a konou fa.

₃₂Nua ó no vha na miṅwaha ya 500, a vha khotsi a Semu na Hamu na Jafethe.