GENESI 10

₁Vhaḓuhulu vha Semu na Hamu na Jafethe, vhana vha Nua, ngevha. Vho vha beba ho no fhira muḓalo wa maḓi.

₂Vhana vha Jafethe vha vhatuka ndi Gomere na Magogo na Madai na Javani na Thubala na Meshekhe na Thirasi. ₃Vhana vha Gomere vha vhatuka ndi Ashikenasi na Rifathi na Thogarama. ₄Vhana vha Javani ndi Elisha na Tharashishi na Vhakipirosi na Vhadodani. ₅Vhenevho ndi vhomakhulukuku wa vhathu vhe vha vha vha tshi dzula khunzikhunzini ya lwanzhe, vha balangana na mashango avho zwi tshi ya nga nyambo na mitupo na tshakha dzavho.

₆Vhana vha Hamu ndi Kushu na Mitsiraimi na Phuthi na Kanana. ₇Vhana vha Kushu ndi Seba na Havila na Sabutha na Raama na Sabuthekha. Vhana vha Raama ndi Sheba na Dedani. ₈Kushu ndi khotsi a Nimirodo; ene o ḓo vha muhali muhulu wa u ranga fhano shangoni. ₉Na Muṋe washu o vhona e muzwimi wa nungo. Ndi zwine ha pfi, “Mukene u nga Nimirodo, ane Muṋe washu a vhona e muzwimi wa nungo.” ₁₀O ranga u vhusa Babele na Erekhe na Akhadi na Khalane e shangoni ḽa Shinari. ₁₁U bva shangoni ḽeneḽo a ya Ashuru, a fhaṱa miḓi ya Ninive na Rehobotho Iri na Khala ₁₂na Reseni, une wa vha vhukati ha Ninive na Khala, wone muḓi muhulu.

₁₃Mitsiraimi ndi khotsi a vhathu vha Ludi na Anamu na Lehabu na Nafuthu ₁₄na Phathirosi na Khasilu (ene khotsi a Vhafilista) na Khafuthoro.

₁₅Tanzhe ḽa Kanana ndi Sidoni, ha tevhela Hethe ₁₆na Vhajebusi na Vhaamori na Vhagirigashi ₁₇na Vhahivi na Vhaariki na Vhasini ₁₈na Vhaaravadi na Vhatsemari na Vhahamathi. Ngavhuya vha mitupo ya Kanana vha balangana, ₁₉mikano ya Kanana ya bva Sidoni ya swika Gerara ya guma Gaza, ya vhuya ya guma Sodoma na Gomora na Adima na Tseboimi, u vhuya u swika Lasha. ₂₀Ndi vhone vhana vha Hamu zwi tshi ya nga mitupo yavho na nyambo, zwi tshi ya nga mashango avho na dzitshakha.

₂₁Semu mukomana wa Jafethe na ene a beba vhana. Ndi ene makhulukuku wa vhana vhoṱhe vha Ebere, vhone Vhaheberu. ₂₂Vhana vha Semu ndi Elamu na Ashuru na Ariphakhadi na Ludi na Aramu. ₂₃Vhana vha Aramu ndi Utsi na Hulu na Gethere na Mashi. ₂₄Ariphakhadi ndi khotsi a Shela khotsi a Ebere. ₂₅Ebere o vha na vhana vhavhili: muṅwe o vha a tshi pfi Phelege, ngauri misi yawe vhathu vha ḽifhasi vho vha vho fhandekana; murathu wawe o vha a tshi pfi Jokotani. ₂₆Jokotani ndi khotsi a Alimodadi na Shelefe na Hatsaramavethe na Jera ₂₇na Hadoramu na Uzali na Dikila ₂₈na Obala na Abimaele na Sheba ₂₉na Ofiri na Havila na Jobaba. Vhoṱhe havho ndi vhana vha Jokotani. ₃₀Shango ḽe vha vha vha tshi dzula khaḽo ndi u bva Mesha u swika Sefara, shangoni ḽa vhubvaḓuvha ḽa zwivhanga. ₃₁Havho ndi vhone vhana vha Semu zwi tshi ya nga mitupo yavho na dzinyambo, zwi tshi ya nga mashango avho na dzitshakha.

₃₂Ndi yone mitupo ya vhana vha Nua vha vhatuka zwi tshi ya nga lutsinga lwa vhubvo havho kha tshakha dzavho. Tshakha dzo balanganaho na ḽifhasi ho no fhira muḓalo wa maḓi dzi bva kha vhenevho.