1 KORONIKA 7

₁Vhana vha Isakhara ndi Thola na Phua na Jashubu na Shimironi, vhoṱhe vho ṱangana ndi vhaṋa.

₂Vhana vha Thola ndi Uzi na Refaya na Jeriele na Jahamai na Ibisamu na Samuele. Vho vha vhe ṱhoho dza miṱa yavho. Musi hu tshi vhusa khosi Dafita, vha lutsinga lwa Thola vho ḓiṅwalisaho u vha vhahali nndwani vho vha vhe 22 600.

₃Ṅwana wa Uzi ndi Izrahia. Vhana vha Israhia ndi Mikaele na Obadia na Juele na Ishia. Vhoṱhe vhuṱanu havho vho vha vhe ṱhoho dza miṱa. ₄Vho vha vhe na vhasadzi vhanzhi na vhana lwe vha lutsinga lwavho vha kona u bvisa vhanna vha 36 000 vha u bva pfumo.

₅Mashaka vhe vha vha vhe vhahali nndwani vha mitupo yoṱhe ya Isakhara nga he ha ṅwalwa vha lutsinga lwavho, vho vha vhe 87 000 vho ṱangana.

₆Vhana vhararu vha Benyamini ndi Bela na Bekere na Jediele.

₇Vhana vha Bela ndi Etsiboni na Uzi na Uziele na Jerimotho na Iri. Vho vha vhe ṱhoho dza miṱa, vhoṱhe vho ṱangana vho vha vhe vhaṱanu. Vha lutsinga lwavho vho ṅwalwaho vho vha vhe vhanna vha 22 034 vhane vha nga kona u bva pfumo.

₈Vhana vha Bekere ndi Zemira na Juasi na Eliesere na Elihwenai na Omuri na Jeremotho na Abia na Anathotho na Alemethe. ₉Vha lutsinga lwavho vho ṅwalwaho vho vha vhe ṱhoho dza miṱa na vhanna vha 20 200 vhane vha nga kona u bva pfumo.

₁₀Ṅwana wa Jediele ndi Bilihani. Vhana vha Bilihani ndi Jeushu na Benyamini na Ehudu na Khenaana na Zethani na Tharashishi na Ahishahara. ₁₁Vhana vhoṱhe havho vha Jediele vho vha vhe ṱhoho dza miṱa. Ho vha hu na vhanna vha 17 200 vhane vha nga kona u bva pfumo. ₁₂Vhashuphi na Vhahuphi ndi vha lutsinga lwa Iri, Vhahushi ndi vha lutsinga lwa Ahere.

₁₃Vhana vha Nafuthali ndi Jahatsiele na Guni na Jetsere na Shalumu, ndi vhana vhe vha bebwa nga Biliha.

₁₄Vha lutsinga lwa Manase ngevha: Azariele o vha e wa lutsinga lwawe we a mu bebelwa nga musadzi wawe wa phuli wa Muaramu. Musadzi uyo o beba Makhiri khotsi a Giliadi. ₁₅Makhiri a dzea musadzi kha Vhahuphi na Vhashuphi. Khaladzi awe o vha a tshi pfi Maakha. Muṅwe wa lutsinga lwa Makhiri ndi Tselofihadi, ene o beba vhananyana fhedzi.

₁₆Maakha mufumakadzi wa Makhiri a beba mutuka a ri u pfi Phereshe, murathu wawe a pfi Shereshe, khotsi a Ulamu na Rakeme. ₁₇Ṅwana wa Ulamu ndi Bedani. Ndi vhone vhana vha Giliadi ṅwana wa Makhiri ṅwana wa Manase.

₁₈Hamolekhethe, khaladzi a Giliadi, o beba Ishodo na Abiesere na Mahala. ₁₉Vhana vha Shemida ndi Ahiani na Shikheme na Likhi na Aniamu.

₂₀Vha lutsinga lwa Efraimi ndi Shuthela, khotsi a Berede, khotsi a Thahathi, khotsi a Eliada, khotsi a Thahathi, ₂₁khotsi a Zabadi, khotsi a Shuthela. Ezere na Eliadi vho vhulawa nga vhanna vha re vhadzulapo vha Gathi, musi vho tsela henengei u yo thuba zwifuwo zwavho. ₂₂Khotsi avho Efraimi a fhedza maḓuvha manzhi a tshi vha lilela, mashaka awe a ḓa a mu fhumudza. ₂₃Ndi hone a tshi dovha u dzhenisa mufumakadzi wawe nḓuni, uyo a vhifha muvhilini, a beba mutuka. Efraimi a ri uyo ṅwana u pfi Beria (Lufuluvhi) nge vha welwa nga khombo muṱani wawe.

₂₄Efraimi o vha e na ṅwananyana we a vha a tshi pfi Shiera. Musidzana uyo a fhaṱa miḓi ya Bethe Horoni wa Nṱha na wa Fhasi na muḓi wa Uzeni Shiera.

₂₅Beria a vha na ṅwana we a vha a tshi pfi Refa, na Reshefa khotsi a Thela, khotsi a Thahani, ₂₆khotsi a Ladani, khotsi a Amihudu, khotsi a Elishama, ₂₇khotsi a Nunu, khotsi a Joshua.

₂₈Mashango avho na he vha fhaṱa hone ho vha hu tshi angaredza na Bethele na miḓana yo u tangaho, u ya vhubvaḓuvha hu tshi swika nga Naarani, u ya vhukovhela hu tshi swika nga Gezere na miḓana yawo, na muḓini wa Shikheme na miḓana yawo, u vhuya u swika muḓini wa Aya na miḓana yawo.

₂₉Miḓi ya Bethe Shiani na Thaanakha na Megido na Doro, na miḓana yo i tangaho ho vha ha tsinde ḽa Manase. Fhethu hafho hoṱhe ho vha hu tshi dzula vha tsinde ḽa Josefa ṅwana wa Israele.

₃₀Vhana vha Ashere ndi Imina na Ishiva na Ishivi na Beria. Khaladzi avho o vha a tshi pfi Sera.

₃₁Vhana vha Beria ndi Hebere na Malakhiele. Malakhiele o fhaṱa muḓi wa Birizaithi.

₃₂Hebere o vha e khotsi a Jafuleti na Shomere na Hothamu na khaladzi avho Shua.

₃₃Vhana vha Jafuleti ndi Phasakha na Bimihali na Ashivathi. Ndi vhone vhana vha Jafuleti.

₃₄Vhana vha Shomere ndi Ahi na Roga na Huba na Aramu.

₃₅Vhana vha murathu wawe Hothamu ndi Tsofa na Imina na Sheleshe na Amali.

₃₆Vhana vha Tsofa ndi Sua na Haranefere na Shuala na Beri na Imira ₃₇na Betsere na Hodo na Shama na Shilisha na Ithirani na Biera.

₃₈Vhana vha Jethere ndi Jefune na Phisipha na Ara. ₃₉Vhana vha Ula ndi Ara na Haniele na Ritsia.

₄₀Vhoṱhe havho vho vha vhe vha lutsinga lwa Ashere, vhe ṱhoho dza miṱa, vhanna vha fhiraho vhaṅwe, vhahali vha sa humi, vharangaphanḓa vha vhonalaho. Tshivhalo tsha vhanna vhane vha nga bva pfumo, vho ṅwalwaho kha vha lutsinga lwavho, vho vha vhe 26 000.