1 KORONIKA 6

₁Vhana vha Livi ndi Gerisoni na Kehathi na Mirari.

₂Vhana vha Kehathi ndi Amuramu na Izhara na Hebroni na Uziele.

₃Vhana vha Amuramu ndi Aroni na Mushe na Miriamu. Vhana vha Aroni ndi Nadaba na Abihu na Eliasara na Ithamara.

₄Eliasara ndi khotsi a Finiasi, khotsi a Abishua, ₅khotsi a Buki, khotsi a Uzi, ₆khotsi a Zerahia, khotsi a Mirayotho, ₇khotsi a Amaria, khotsi a Ahitubu, ₈khotsi a Tsadoko, khotsi a Ahimaatsi, ₉khotsi a Azaria, khotsi a Johanani, ₁₀khotsi a Azaria (ndi ene we a vha e tshifhe thembeleni ye ya fhaṱiwa Jerusalema nga khosi Solomoni), ₁₁khotsi a Amaria, khotsi a Ahitubu, ₁₂khotsi a Tsadoko, khotsi a Shalumu, ₁₃khotsi a Hilikia, khotsi a Azaria, ₁₄khotsi a Seraya, khotsi a Jehotsadaka. ₁₅Jehotsadaka o hwaliwa a iswa vhuthubwani musi Muṋe washu a tshi isa vhathu vha Juda na Jerusalema hone nga tshanḓa tsha Nebukhadnetsara.

₁₆Vhana vha Livi ndi Gerisoni na Kehathi na Mirari. ₁₇Vhana vha Gerisoni ndi Libini na Shimei. ₁₈Vhana vha Kehathi ndi Amuramu na Izhara na Hebroni na Uziele. ₁₉Vhana vha Mirari ndi Mahali na Mushi.

Ngei mitupo ya Vhalivi yo ṅwalwaho nga u tevhekana zwi tshi ya nga vhokhotsi avho: ₂₀Vha lutsinga lwa Gerisoni ndi ṅwana wawe Libini, khotsi a Jahathi, khotsi a Zima, ₂₁khotsi a Jua, khotsi a Ido, khotsi a Zera, khotsi a Jeatherai.

₂₂Vha lutsinga lwa Kehathi ndi ṅwana wawe Aminadaba, khotsi a Kora, khotsi a Asiri, ₂₃khotsi a Elikana, khotsi a Ebiasafu, khotsi a Asiri, ₂₄khotsi a Thahathi, khotsi a Uriele, khotsi a Uzia, khotsi a Saulo.

₂₅Vha lutsinga lwa Elikana ndi vhana vhawe Amasai na Ahimotho. ₂₆Vha lutsinga lwa Ahimotho ndi ṅwana wawe Elikana, khotsi a Tsofai, khotsi a Nahathi, ₂₇khotsi a Eliaba, khotsi a Jerohamu, khotsi a Elikana, khotsi a Samuele.

₂₈Vhana vha Samuele ndi Juele wa tanzhe na Abia wa vhuvhili.

₂₉Vha lutsinga lwa Mirari ndi ṅwana wawe Mahali, khotsi a Libini, khotsi a Shimei, khotsi a Uza, ₃₀khotsi a Shimia, khotsi a Hagia, khotsi a Asaya.

₃₁Hu tevhela vhanna vhe khosi Dafita a vha vhea uri vha imbise vhathu thembeleni ya Muṋe washu musi mbulungelo ya mulanga yo no vhewa henefho. ₃₂Vho vha vha tshi shuma zwa u imba phanḓa ha hukhethwa, denndeni ya u ṱangana na Muṋe washu, u swika khosi Solomoni a tshi fhaṱa thembele ya Muṋe washu Jerusalema. Vho vha vha tshi shuma mishumo yavho vha tshi tevhedza ndayo dze vha vhetshelwa dzone.

₃₃Vhanna vhe vha vha vha tshi shuma khathihi na vhana vhavho ngevha:

Vha mutupo wa Kehathi ndi Hemani, ene musiki wa nyimbo, ṅwana wa Juele, ṅwana wa Samuele, ₃₄ṅwana wa Elikana, ṅwana wa Jehoramu, ṅwana wa Eliele, ṅwana wa Thua, ₃₅ṅwana wa Tsufu, ṅwana wa Elikana, ṅwana wa Mahathi, ṅwana wa Amasai, ₃₆ṅwana wa Elikana, ṅwana wa Juele, ṅwana wa Azaria, ṅwana wa Tsefania, ₃₇ṅwana wa Thahathi, ṅwana wa Asiri, ṅwana wa Abiasafu, ṅwana wa Kora, ₃₈ṅwana wa Izhara, ṅwana wa Kehathi, ṅwana wa Livi, ṅwana wa Israele.

₃₉Asafu khonani ya Hemani o vha a tshi ima thungo ya tshauḽa tshawe. Asafu o vha e ṅwana wa Berekia, ṅwana wa Shimia, ₄₀ṅwana wa Mikaele, ṅwana wa Maaseya, ṅwana wa Malikhia, ₄₁ṅwana wa Ethini, ṅwana wa Zera, ṅwana wa Adaya, ₄₂ṅwana wa Ethani, ṅwana wa Zima, ṅwana wa Shimei, ₄₃ṅwana wa Jahathi, ṅwana wa Gerisoni, ṅwana wa Livi.

₄₄Khonani dzavho dza mutupo wa Mirari, vho vha vha tshi ima thungo ya tshanḓa tshawe tshamonde, malogwane wavho wa khwairi ya vhuraru e Ethani ṅwana wa Kishi, ṅwana wa Abudi, ṅwana wa Malukhu, ₄₅ṅwana wa Hashabia, ṅwana wa Amatsia, ṅwana wa Hilikia, ₄₆ṅwana wa Amitsi, ṅwana wa Bani, ṅwana wa Shemere, ₄₇ṅwana wa Mahali, ṅwana wa Mushi, ṅwana wa Mirari, ṅwana wa Livi.

₄₈Vhaṅwe Vhalivi vha havho vho vha vho ṋewa mishumo miṅwe yoṱhe ya hukhethwa, nḓuni ya Mudzimu.

₄₉Aroni na vha lutsinga lwawe vho vha vha tshi ṋekedza zwiṱhavhelo kha aḽiṱari ya zwiṱhavhelo zwi fhiswaho na kha aḽiṱari ya zwioro zwi tshi elana na zwoṱhe zwe zwa vha zwi tshi itwa Hukhethwakhethwa, vha tshi pfumelela Vhaisraele, zwi tshi tevhedza zwoṱhe zwe Mushe muḓinḓa wa Mudzimu a vha laya. ₅₀Vha lutsinga lwa Aroni ndi ṅwana wawe Eliasara, khotsi a Finiasi, khotsi a Abishua, ₅₁khotsi a Buki, khotsi a Uzi, khotsi a Zerahia, ₅₂khotsi a Mirayotho, khotsi a Amaria, khotsi a Ahitubu, ₅₃khotsi a Tsadoko, khotsi a Ahimaatsi.

₅₄Vhana vha Livi vho kovhelwa miḓi yavho na mafulo, hune vha ṱoka mishasha zwi tshi kovhelwa nga madeṅwa.

Ho ranga u mvakiwa vhotshifhe vhana vha Aroni vha mutupo wa Kehathi. ₅₅Vho ṋewa Hebroni shangoni ḽa Juda na mashango a pfulo u mona naho. ₅₆Hone masimu na miḓana u mona na uyo muḓi zwa ṋewa Khalebe ṅwana wa Jefune. ₅₇Vha lutsinga lwa Aroni vho kovhelwa Hebroni, muḓi wa dzhavhelo, na miḓi ya Libina na Jathiri na Eshthemua ₅₈na Holone na Debiri ₅₉na Ashani na Bethe Shemeshe, khathihi na mashango ayo a pfulo. ₆₀Shangoni ḽa tsinde ḽa Benyamini vho kovhelwa miḓi ya Geba na Alemethe na Anathotho, khathihi na mashango ayo a pfulo. Miḓi heyo yo kovhelwaho vha mitupo ya Kehathi yo vha i 13 yo ṱangana. ₆₁Vhaṅwe vhoṱhe vha lutsinga lwa Kehathi vho kovhelwa miḓi ya fumi shangoni ḽa vha Manase vha vhukovhela.

₆₂Vha lutsinga lwa Gerisoni zwi tshi ya nga mitupo yavho, vho kovhelwa miḓi ya 13 mashangoni a matsinde a Isakhara na Ashere na Nafuthali, na ḽa vha Manase vha vhubvaḓuvha kha ḽa Bashani. ₆₃Vha lutsinga lwa Mirari, zwi tshi ya nga mitupo yavho, vho kovhelwa miḓi ya 12 mashangoni a matsinde a Rubeni na Gadi na Zebuloni. ₆₄Ngauralo Vhaisraele vho kovhela Vhalivi miḓi heyo na mashango ayo a pfulo. ₆₅Mashangoni a matsinde a Juda na Simioni na Benyamini vho kovha miḓi yo rangaho u bulwa, nga u ita madeṅwa.

₆₆Vhaṅwe vha mitupo ya Kehathi vho kovhelwa miḓi shangoni ḽa tsinde ḽa Efraimi. ₆₇Zwikwarani zwa Efraimi vho kovhelwa Shikheme muḓi wa dzhavhelo, na Gezere ₆₈na Jokomiamu na Bethe Horoni ₆₉na Ayaloni na Gathi Rimoni, khathihi na mashango ayo a pfulo. ₇₀Shangoni ḽa vha Manase vha vhukovhela Vhaisraele vha kovhela vhaṅwe vhoṱhe vha mitupo ya Kehathi miḓi ya Anere na Ibiliamu, khathihi na mashango ayo a pfulo.

₇₁Vha nnḓu ya Gerisoni vho kovhelwa miḓi heino:

Shangoni ḽa vha Manase vha vhubvaḓuvha vho kovhelwa Golani kha ḽa Bashani, vha kovhelwa na Ashtharotho, khathihi na mashango ayo a pfulo.

₇₂Shangoni ḽa Isakhara vho kovhelwa miḓi ya Kedeshe na Daberathi ₇₃na Ramotho na Eni Ganimu, khathihi na mashango ayo a pfulo.

₇₄Shangoni ḽa tsinde ḽa Ashere vho kovhelwa miḓi ya Mashala na Abudoni ₇₅na Hukoko na Rehobo, khathihi na mashango ayo a pfulo.

₇₆Shangoni ḽa Nafuthali vho kovhelwa muḓi wa Kedeshe kha ḽa Galelia na Hamoni na Kiriathaimi, khathihi na mashango ayo a pfulo.

₇₇Vhaṅwe Vhalivi vhoṱhe vha nnḓu ya Mirari vho kovhelwa miḓi heino:

Shangoni ḽa tsinde ḽa Zebuloni vho kovhelwa miḓi ya Rimoni na Thaboro, khathihi na mashango ayo a pfulo.

₇₈Shangoni ḽa tsinde ḽa Rubeni seli ha Jorodani vhubvaḓuvha ha Jerikho vho kovhelwa muḓi wa Betsere phangani na Jahatsa ₇₉na Kedemotho na Mifaathi, khathihi na mashango ayo a pfulo.

₈₀Shangoni ḽa tsinde ḽa Gadi vho kovhelwa muḓi wa Ramotho kha ḽa Giliadi na Mahanaimi ₈₁na Heshebono na Jazere, khathihi na mashango ayo a pfulo.