Psalms 43

₁Handhaaf my reg, o God,

en verdedig my saak

teen 'n ontroue nasie;

bevry my van mense

wat bedrog en onreg pleeg.

₂U is immers die God by wie

ek toevlug soek.

Waarom verwerp U my dan;

waarom moet ek in rouklere loop

oor die verdrukking deur 'n vyand?

₃Stuur u lig en u waarheid;

laat dit my lei, my bring

na u •heilige berg

en na u woonplek,

₄sodat ek kan ingaan

na die altaar van God,

na die God wat my

van blydskap laat jubel,

en sodat ek U, o God, my God,

kan prys met 'n lier.

₅Waarom kwyn jy weg, my siel,

en is jy so onrustig in my?

Hoop op God, want ek sal Hom,

my God, weer dank vir die

verlossing wat Hy, my God,

deur sy teenwoordigheid bring.