Psalms 127

As die Here die huis nie bou nie,

swoeg die bouers tevergeefs daaraan.

As die Here oor die stad nie wag hou nie,

bly die wagte tevergeefs wakker.

₂Tevergeefs dat julle vroeg opstaan,

eers laat tot rus kom,

kos eet wat moeisaam verkry is.

Netsowel gee Hy dit

aan sy geliefdes in die slaap.

₃Kyk, seuns is 'n erfdeel

wat van die Here kom;

die vrug van die moederskoot

is 'n beloning.

₄Soos pyle in die hand

van 'n krygsheld,

so is die seuns van jou jeug.

₅Gelukkig is die man

wat sy pylkoker

met hulle gevul het.

Hulle sal nie beskaamd staan

wanneer hulle met vyande

in die stadspoort woorde wissel nie.