Psalms 126

Toe die Here die lot van Sion

verander het,

was ons soos mense wat droom.

₂Daarna is ons monde

met gelag gevul,

ons tonge met jubelkrete.

Toe is onder die nasies gesê:

“Die Here het iets groots gedoen

aan hierdie mense.”

₃Die Here het iets groots

aan ons gedoen.

Ons was verheug.

₄Verander weer ons lot, Here,

soos stroombeddings in die Negev.

₅Dié wat met trane saai,

sal met jubelkrete maai.

₆Die draer van die saadsak

wat loop en huil,

sal beslis terugkom met jubelkrete

terwyl hy sy gerwe dra.