Jeremia 25

₁Dit is die woord wat tot Jeremia gekom het oor die hele volk van Juda, in die vierde regeringsjaar van Jojakim, seun van Josia, koning van Juda. Dit was in die eerste regeringsjaar van Nebukadresar, koning van Babilonië, ₂dat die profeet Jeremia met die hele volk van Juda en al die inwoners van Jerusalem gepraat het: ₃“Vanaf die dertiende regeringsjaar van Josia, seun van Amon, koning van Juda, tot op hierdie dag, drie-en-twintig jaar lank, het die woord van die Here tot my gekom. Ek het aanhoudend met julle gepraat, maar julle het nie geluister nie. ₄Die Here het al sy dienaars, die profete, aanhoudend na julle gestuur, maar julle het nie geluister nie. Julle het nie julle ore oopgemaak om te luister nie. ₅Die boodskap was, ‘Draai tog om, elkeen weg van sy verkeerde pad, weg van julle bose dade, sodat julle kan bly woon op die grond wat die Here van altyd af en vir altyd aan julle en julle voorouers gegee het. ₆Moenie agter ander gode aanloop om hulle te dien en voor hulle in aanbidding te buig nie! Moet My nie tart met julle handewerk nie, sodat Ek julle nie kwaad aandoen nie. ₇Maar julle het nie na My geluister nie,’ is die uitspraak van die Here, ‘sodat julle My getart het met julle handewerk, tot julle eie nadeel.’ ₈Daarom, so sê die Here, Heerser oor alle magte, ‘Omdat julle nie na my woorde geluister het nie – ₉kyk, Ek gaan al die familiegroepe van die noorde ontbied,’ is die uitspraak van die Here, ‘ook Nebukadresar, koning van Babilonië, my dienskneg, en Ek sal hulle bring na hierdie land en sy inwoners, en na al die omliggende nasies. Ek sal hulle met die banvloek tref, en hulle 'n skrikbeeld maak, die rede vir 'n gefluit, en puinhope vir altyd. ₁₀Ek sal by hulle die klank van vrolikheid en vreugde laat verdwyn, die stem van die bruidegom en die stem van die bruid, die geskuur van maalklippe en die lig van lampe. ₁₁Hierdie hele land sal 'n puinhoop, 'n woesteny word; en hierdie nasies sal die koning van Babilonië sewentig jaar lank dien.

₁₂“ ‘Maar as die sewentig jaar verby is,’ is die uitspraak van die Here, ‘sal Ek oor hulle sondeskuld rekenskap eis van die koning van Babilonië en van daardie nasie, en van die land van die Galdeërs. Ek sal dit vir altyd woestenye maak. ₁₃Ek sal oor hierdie land al my woorde wat Ek daaroor uitgespreek het, in vervulling laat gaan.’ ”

₁₄“ ‘Ja, ook die Galdeërs sal slawe wees van baie nasies en groot konings. Ek sal hulle vergeld ooreenkomstig hulle dade en hulle handewerk.’ ₁₅Ja, so het die Here, die God van Israel, vir my gesê, ‘Neem hierdie beker met die wyn van woede uit my hand en laat al die nasies na wie Ek jou sal stuur, daaruit drink. ₁₆Hulle sal drink en slinger en waansinnig raak, vanweë die swaard wat Ek onder hulle gaan instuur.’ ”

₁₇Ek het toe die beker uit die hand van die Here geneem, en al die nasies na wie die Here my gestuur het, laat drink:

₂₇“Jy moet vir hulle sê, ‘So sê die Here, Heerser oor alle magte, die God van Israel: “Drink, word dronk, bring op, val neer sodat julle nie weer opstaan nie, vanweë die swaard wat Ek onder julle instuur.” ’ ₂₈Maar as hulle weier om die beker uit jou hand te neem en te drink, moet jy vir hulle sê, ‘So sê die Here, Heerser oor alle magte: “Julle móét drink! ₂₉Want kyk, in die stad waaroor my Naam uitgeroep is, begin Ek met die onheil – sal julle dan enigsins vryspring? Julle sal nie vryspring nie, want Ek gaan 'n swaard oproep teen al die inwoners van die aarde,” ’ ” is die uitspraak van die Here, Heerser oor alle magte.

₃₀“En jy, jy moet al hierdie woorde teen hulle profeteer. Jy moet vir hulle sê,

₃₃En dié wat deur die Here verslaan is, sal op daardie dag van die een einde van die aarde tot by die ander einde van die aarde lê. Oor hulle sal nie gerou word nie, en hulle sal nie bymekaargemaak of begrawe word nie. Hulle sal mis word op die grond.