Troos uit die Woord – Dag 40

₂Hoor my gebed, o God,

moet tog nie onverskillig staan teenoor my smeking nie.

₃Luister na my gebed en antwoord my:

my sorge gee my geen rus nie.

Ek is hewig ontsteld ₄oor die dreigemente van my vyande

en oor die druk van slegte mense op my.

Hulle wil my met onreg breek;

verwoed stook hulle vyandskap teen my.

₅My hart krimp inmekaar in my,

doodsangs oorval my,

₆vrees en skrik oorweldig my,

my hele liggaam bewe.

₇Ek het gedink: ag, as ek maar vlerke

soos 'n duif gehad het,

sou ek wegvlieg en 'n woonplek soek;

₈ek sou ver wegvlieg

en in die woestyn gaan bly; Sela

₉ek sou haastig probeer wegkom

van hierdie onstuimige wind, van hierdie storm af.

₁₇Maar ek roep na God,

na die Here wat my sal red.

₁₈In die aand, in die môre en in die middag,

heeldag kla en sug ek,

en Hy hoor my roep.

₁₉Hy sal my lewe red en my die oorwinning gee,

al is daar so baie teen wie ek moet veg.

₂₃Laat jou sorge aan die Here oor,

Hy sal vir jou sorg.

Hy sal die regverdige nie in die steek laat nie.