Troos uit die Woord – Dag 14

₁₁Leer my u wil, Here,

en lei my op 'n gelyk pad

sodat my vyande nie hulle sin kry nie.

₁₂Moet my tog nie oorgee aan die venyn van my teëstanders nie,

want daar staan vals getuies teenoor my

en hulle blaas geweld teen my aan.

₁₃As ek darem nie geglo het dat ek die goedheid van die Here sal sien in die land van die lewendes nie ...!

₁₄Vertrou op die Here!

Wees sterk en hou goeie moed!

Ja, vertrou op die Here!

₂₃Die Here bepaal die koers van die mens

met wie se pad Hy tevrede is, en Hy ondersteun hom.

₂₄As so iemand val, bly hy nie lê nie,

want die Here help hom op.

₂₅Ek was jonk en ek het oud geword,

maar nooit het ek 'n regverdige verlate gesien

of dat sy nageslag brood soek nie.

₂₆Hy is altyd vrygewig, hy leen uit sonder rente:

met sy nageslag sal dit goed gaan.

₃₉maar die regverdiges word deur die Here gered.

Hy is hulle toevlug in tyd van nood.

₄₀Die Here help hulle en Hy bevry hulle,

Hy bevry hulle van die slegte mense en red hulle,

want hulle skuil by Hom.