Spreuke: Eenjaarleesplan – Dag 226

Vers 11. ’n Spotter sal nie verander deur straf nie (vgl Spr 13:1), maar ’n eenvoudige of naïewe persoon leer daardeur. Dit is die doel van straf vir spotters. Wyse mense het egter geen probleem om kennis deur onderrig te verwerf nie. Vers 12. Die vers is die sleutel om die hoofstuk se boodskap te verstaan. Die “Regverdige Een” soos die “regverdige” vertaal kan word, sien alles wat in die goddelose se huis aangaan, en tref hom met ellende.