Griekse godsdiens in die Hellenistiese periode

Na die verowerings deur Aleksander die Grote het die Griekse godsdiens verskeie veranderings ondergaan. Die godsdiens het toenemend onder die invloed van ander volke se idees gekom.

Toe Aleksander die Grote dele van die Ou Nabye Ooste verower en ʼn nuwe wêreldryk gevestig het, is die Griekse kultuur oor ʼn wye gebied versprei. Dit word ook “Hellenisering” genoem, en die tydperk wat toe ontstaan het, word “Hellenisme” genoem. In die Hellenistiese tyd het die Griekse godsdiens met allerhande elemente van oosterse godsdienste vermeng geraak. En omgekeerd het die Griekse idees die godsdiens van volke in die Ou Nabye Ooste beïnvloed.