Ammon en Ammoniete

Die Ammoniete was die inwoners van die koninkryk van Ammon wat ten ooste van Israel geleë was, met Rabbat-Ammon as die hoofstad. Die Ammoniete was verwant aan die Israeliete en hulle taal het nie soveel van Hebreeus verskil nie. Hulle het met die Israeliete slaags geraak, wat daartoe gelei het dat hulle nie so ʼn goeie reputasie in die Bybel het nie. In Genesis 19:30-38 word byvoorbeeld die verhaal vertel van hulle patriarg, Ben-Ammi, wat uit bloedskande tussen Lot en een van sy dogters verwek is.