Die suidelike ryk van Juda
Die suidelike ryk van Juda is die naam van die gebied waaroor die nakomelinge van die konings Dawid en Salomo vanaf ongeveer 926 v.C. regeer het. Die hoofstad was Jerusalem. Daar was dikwels spanning tussen die suidelike ryk van Juda en die noordelike ryk van Israel
Die ontstaan van die suidelike ryk
Salomo het daarna gestreef om die stamme van Israel polities bymekaar te hou. Na sy dood wou die noordelike stamme meer onafhanklikheid hê, maar Salomo se seun, Rehobeam, was nie bereid om dit aan hulle te gee nie. Jerobeam het daarin geslaag om die weerstand te konsolideer, met die gevolg dat die tien noordelike stamme hulleself van die bondgenootskap gedistansieer het. Die nuwe staat waar Jerobeam koning was, word in die Bybel “Israel” genoem.
Rehobeam kon ook nie die noordelike ryk verower nie. Hy het koning gebly oor die twee suidelike stamme, met Jerusalem as hoofstad. Aangesien hierdie gebied hoofsaaklik aan die stam van Juda behoort het, word die suidelike ryk in die Bybel “Juda” genoem.
Ekonomies onbelangrik
Vergeleke met Israel was Juda ekonomies swak en polities onbelangrik. Dit was nie op ʼn handelsroete geleë nie. Die tempel in Jerusalem het egter hoë aansien geniet, wat verbind kan word aan koning Dawid, die stigter van die koningshuis. Een stabiele faktor in hierdie klein koninkryk was dat ʼn afstammeling van Dawid op die troon was (2 Samuel 7:1-16
Israel is steeds as gevaarlik beskou. Daarom het die Judese koning Agas in 732 v.C. steun van die Assiriese koning gesoek en Juda het ʼn vasalstaat van Assirië geword. In 722 v.C. het die Assiriërs die noordelike ryk verower en slegs die suidelike ryk van Juda het oorgebly.
Die val van die suidelike ryk
Juda het ʼn bloeityd beleef onder koning Josia wat die gebied omstreeks 620 v.C. van die noordelike ryk verower het. Maar sy seun, Jojakim, het weer ʼn vasal geword, eers van Egipte en later van Babilonië. Jojakim het teen die koning van Babilonië in opstand gekom, maar die opstand is onderdruk.
Die laaste koning van Juda was Sedekia
Lees verder?
Met ʼn gratis BibleSA-rekening kan jy: