God as heilig

In die Bybel word God as heilig beskryf. Maar daar is ander wesens, mense, voorwerpe en sake wat ook heilig genoem word. Dit maak dit duidelik dat hulle vir God afgesonder is.

God word in die Ou Testament omtrent ʼn honderd keer “heilig” genoem. In 36 gevalle word die uitdrukking “die Heilige van Israel” gebruik.

In sommige boeke speel God se heiligheid ʼn geringe rol, soos in Deuteronomium waar die hooffokus op die heiligheid van die volk is. In ander boeke is God se heiligheid ʼn baie belangrike tema, byvoorbeeld in Jesaja waar God se heiligheid sterk gekontrasteer word met die sondes van die volk.

In die Ou Testament word “heilig” op verskillende maniere gebruik. Dit kan verwys na:

In die Nuwe Testament word mense en dinge ook heilig genoem. Dit dui aan dat hulle aan God verbind is. Dit sluit Christus en God se Gees in wat ook heilig genoem word.

Wanneer Christene “heilig” of “heiliges” genoem word, dui dit aan dat hulle mense is wat deur God geroep is, mense wat glo in Jesus Christus en wat die gebooie onderhou.