Materiaal (vervaardiging)

Die vervaardiging van materiaal vir klere was gewoonlik vroue se werk. In Spreuke 31:19 word van “ʼn knap vrou” gesê: “Sy werk met die spinwiel, haar hande bly besig met die weefstoel.” In Spreuke 31:24 lees ons dat vroue die materiaal hoofsaaklik vir eie gebruik in hulle huise gemaak het, maar soms het hulle dit ook verkoop.

Spinwerk en weefwerk is meestal tuis gedoen. 2 Konings 23:7 vertel ons egter dat daar vroue in die tempel was wat klere vir die beelde van die godin Asjera moes maak.

Daar was ook mans wat geweef en met materiaal gewerk het, byvoorbeeld materiaal vir die versiering van die tabernakel. Spinwerk is as vrouewerk beskou.

Die algemeenste bron vir die vervaardiging van materiaal was skaapwol. Vlas is ook gebruik om linne te vervaardig. Ander materiale het ingesluit hennep, bokhaar en kameelhaar.

Sy word in Esegiël 16:10-13 en Openbaring 18:12 genoem. Die vertaling van die woord in Esegiël is omstrede, aangesien dit onwaarskynlik is dat sy in daardie tyd in die Middellandse gebied bekend was.

Die vervaardiging van materiaal het uit verskillende stappe bestaan: