Regte van die eersgeborene (die eersgeboortereg)

Die oudste seun het ʼn dubbele deel van die erfenis ontvang — dit word die geboortereg of die eersgeboortereg genoem.

Die oudste seun het spesiale regte en verantwoordelikhede gehad ten opsigte van sy familie. Hy het ʼn dubbele deel van die erfenis gekry, soos ons onder andere in Genesis 25:30-33 lees. Hy was ook die eerste persoon wat verantwoordelik was vir familiesake, soos vir die materiële versorging van die familie, of om wraak te neem (sien bloedwraak).

Ook vir die diere was die oudste spruit spesiaal. Die eerste spruit van beeste, skape en bokke is vir God eenkant gesit. Hulle kon vir sewe dae by die ma bly, maar op die agtste dag is hulle geoffer. Volgens Eksodus 13:11-16 het dit ook gegeld van die oudste seuns. Maar vir hulle is ʼn bedrag geld aan die priester betaal. Hierdie wyding van die eersgeborene aan God was ʼn herinnering aan die bevryding uit Egipte. Gedurende daardie tyd het God die eersgeborenes van mens en dier in Egipte doodgemaak.

Die volk Israel word soms die eersgeborene van God genoem. Dit dui ook op die spesiale status van die volk.
Jesus word ook verskeie kere die eersgeborene in die Nuwe Testament genoem. Hy is die eersgeborene van al sy broers en susters (Romeine 8:29) en van die skepping (Kolossense 1:15).