2 Timoteus: Beoogde lesers

Die tweede brief aan Timoteus is een van die “pastorale briewe”. Volgens die inleiding is hierdie briewe gerig aan Paulus se nabye medewerkers: Timoteus en Titus. Maar hierdie briewe het altyd ’n geslag leermeesters ná Paulus in die oog. Dit word duidelik uit die sake waaraan aandag gegee word in die briewe.

Hierdie leermeesters bied leierskap aan die gemeenskappe, maar hulle kan nie (langer) vir raad vra van Paulus en sy medewerkers nie. Daar word duidelike riglyne aan hulle verskaf in die pastorale briewe. Die waarskuwings en raad aan Timoteus en Titus wat baie persoonlik klink, is in werklikheid opdragte aan hulle 1 Timoteus 4:11-16; 2 Timoteus 3:14-17; Titus 2:7-8).