1 Korintiërs: Struktuur

Die eerste brief aan die Korintiërs is die tweede langste brief van Paulus. Die heel belangrikste onderwerp in die brief is die verdeeldheid in die gemeente.

Soos al die briewe van Paulus, begin 1 Korintiërs deur aan te dui wie die afsenders is, aan wie dit gestuur is, ʼn groeteboodskap en ʼn dankbetuiging. Die eintlike brief bestaan uit twee gedeeltes:
In die eerste, korter gedeelte (1 Korintiërs 1:10 – 4:21), poog Paulus om die Korintiërs te oortuig dat hy werklik ʼn apostel van Jesus is. Hy sê ook dat hulle hulle verdeeldheid moet beëindig deur te lewe in ooreenstemming met die manier wat Jesus verkondig het.
In die tweede, langer gedeelte (1 Korintiërs 5:1 – 15:58), hanteer Paulus baie konkrete probleme, wat die gebrek aan eensgesindheid in die gemeente insluit. Hierna sluit Paulus af met ʼn aantal praktiese sake (1 Korintiërs 16:1-24).