1 Tessalonisense: Struktuur

Die eerste brief aan die Tessalonisense vertoon nie ʼn baie vaste struktuur nie. Die styl is heel spontaan en min afgerond.

Soos die meeste ander antieke briewe begin 1 Tessalonisense volgens ʼn vaste patroon, deur die afsender te vermeld, diegene aan wie dit gerig is, ʼn groeteboodskap en danksegging aan God of die gode vir diegene wat die brief ontvang. 1 Tessalonisense 1:1 sluit die afsenders, die geadresseerdes en die groeteboodskap (“Genade en vrede vir julle”) in.
Die danksegging volg in 1 Tessalonisense 1:2 – 3:13 en is, sover ons weet, die langste wat Paulus ooit geskryf het.
1 Tessalonisense 4:1 – 5:24 bevat die middelste gedeelte, waarin die drie hooftemas van die brief aangespreek word. Hierdie onderwerpe word duidelik van mekaar onderskei deur die woord “oor” (sien 1 Tessalonisense 4:9; 1 Tessalonisense 4:13; 1 Tessalonisense 5:1). Die brief eindig in 1 Tessalonisense 5:25-28 met finale groeteboodskappe.