Denarius

ʼn Denarius was omtrent die dagloon van ʼn goed betaalde werker. ʼn Denarius was dieselfde werd as ʼn dragme.

Gedurende die Romeinse besetting van Israel (vanaf 63 v.C.) was die denarius die standaardgeldeenheid in die ryk van Augustus en sy opvolgers en dit het die beeld van die keiser vertoon. Die denarius is van silwer gemaak en het omtrent 2,4 gram geweeg. Soldate is met hierdie muntstuk betaal en belastings is hiermee ingesamel (sien Matteus 22:19).