Ballingskap

Die inwoners van Juda en Israel is verskeie kere in ballingskap weggevoer. Hulle is deur verskeie volke as ballinge na ander lande weggevoer. Dit was ʼn manier vir ʼn oorheersende mag om te verseker dat ʼn land ontwrig word en dit nie maklik vir hulle sou wees om in opstand te kom nie.

Die eerste keer dat ons in die Bybel van ʼn ballingskap lees, is wanneer die stam Naftali weggevoer word deur die Assiriese koning Tiglat-Pileser III (sien 2 Konings 15:29). Dit het in die agtste eeu v.C. plaasgevind.